PSALMS 27

Ba meybil nni yibe pining e sorok riy ngak Got

1 I SOMOL e tamilang rog me ir e bay rog ni be ayuwegneg i yan;

dab gu rus ngak be’.

SOMOL e be yororiyeg ko riya’;

ere dab gu tamdag.

2 Ngiyal’ nra cham e girdi’ nib kireb ngog ni yad be guy rogon ni ngar thanged e fan rog,

ma ra tun ayrad ngar dol’gad.

3 Ni yug ra longobiyeg baraba’ i salthaw,

ma dab gu rus;

ni ku yad ra cham ngog,

ma gu ra par ni kab pagan’ug ngak Got.