अय्यूब 25

शूही बिल्ददेरी गल्‍लां

1 तैखन शूही बिल्ददे ज़ोवं,

2 "राज़ केरनू ते डरानू इन परमेशरेरू कम्मे;

तै अपने उच्‍ची-उच्‍ची ठारन मां शान्ति रखते।

3 कुन तैसेरी सेनां केरि गिनती भोइ सकती?

ते कौने ज़ैस पुड़ तैसेरी लौ न पे?

4 फिरी मैन्हु परमेशरेरी नज़री मां धर्मी केन्च़रे भोइ सकते?

ते ज़ै कौन्शी सेइं पैदा भोवरोए तै केन्च़रे शुद्ध भोइ सकते?

5 हेर, तैसेरी नज़री मां चाँदनी भी आंधरी ठहरतीए,

ते तारे भी शुद्ध न ठहरन।

6 फिरी मैन्हेरी कुन गिनती ज़ै कीड़ो आहे,

ते मड़द कोड़ि राव ज़ै धरतमले!"