Job 38

4 "Ebee ka ị nọ mgbe m tọrọ ntọala ụwa?

Gwa m ma ọ bụrụ na ị ghọtara.

5 Onye kpebiri ihe ụwa ga-aha ka ya? Nʼezie ị maara,

onye setịrị ihe ọtụtụ e ji tụọ ya nʼelu ya?

6 Nʼelu gịnị ka a tọrọ ntọala ya,

onye doro nkume mbụ e ji tọọ ntọala ya?

7 Mgbe kpakpando nke isi ụtụtụ zukọrọ bụọ abụ,

ụmụ Chineke niile tisikwara mkpu ọṅụ ike?

8 "Onye kara akara nye osimiri iwu ebe ọ ga-ejedebe*38:8 Abụ 33:7; Abụ 104:9; Ilu 8:29; Jer 5:22

mgbe o nupụtara dịka a ga-asị na o si nʼakpanwa pụta,

9 mgbe m yikwasịrị ha igwe ojii dịka uwe,

werekwa ọchịchịrị meere ya akwa okike,

10 mgbe m kpaara ya oke ebe ọ ga-akwụsị,

tinye ibo ọnụ ụzọ na mkpọrọ e ji akpọchi ya,

11 mgbe m sịrị, ‘Ruo ebe a ka ị ga-asọrute, ị gaghị agabiga ya,

nʼebe a ka a ga-akwụsị ebili mmiri mpako gị’?