5 Lelo, Petili loyawele mchinweng’ho, chilundo cha wanhu walingumkunda Kilistu nachali chilanda ng’hatu kwa Nguluwi kwa chiwalo cha heye.
7 Baho du, mhilisi wa Mkulu nakema habehi na lumuli nalulangaza kuli chila chihengo cha chinweng’ho. Mhilisi nakamdoliza Petili mlubavu na kumdita yalilimche, nakamlonjela, "Uche himahima!" Baho du jila minyololo joyawohigwe mmoko najidumka na kulagala hanyi. 10 Nawakola honhu ha mwaluko ha wamizi na ha keli, hamba nawafika kuli lwizi lwa chuma lwa kwinjila kuli muji. Alo lwizi nawichumula uliyeka, nawo walawa kunze. Nawali wojenda kuli nzila imwe na baho du yula mhilisi nakamleka Petili yaliyeka.
12 Loyavizelele mbuli ayo, nakaluta mbaka haluga ha Maliya mayake Yohani yalinguchemigwa Malichi. Amo nakwali na wanhu wenji wawele wekungajize womlanda Nguluwi. 13 Petili nakahodiza kuli lwizi lwa kunze na chitumagwa yumwe mhinza yalinguchemigwa Loda, nakaluta kuli lwizi. 14 Loyavizele kota nalyali lizi lya Petili, nakasangalala ng’hatu, nakahiluka ne kuchumula lwizi na kuwalonjela kota Petili ka kuli lwizi. 15 Nawamlonjela yula mhinza, "Kuna lukwale!" Ila heye nakemilila kota nakakomya. Nawo nawamlonjela, "Ayo ndo mhilisi wa heye." 16 Mhela awo Petili nayali yolutilila kuhodiza. Hamba nawachumula lwizi, nawamona Petili, nawabubuwala.