1 Samuel 1

10 Hana tsakona usungu ng’ani. Na hayang’ali yomlomba IMNDEWA, tsakalila kwa usungu. 11 Hana keka natsili, kalonga, "Ghwe IMNDEWA yana ingupfu, undole nene mtumighwa wako! Ulole maghayo ghangu, na ung’umbuke, uleke kunisemwa! Ka kutsongaya mwana mmale, nelaha ghendo nitsokulapfila ghweghwe IMNDEWA imwana ayo yawe wako matsuwa ghake ghose hayatsokala mghima, na ng’atsogheta baye tsimvili tsake kwaapfila kalapfighwa kwa IMNDEWA."*1:11 Kupeta 6:4-7