10 Hana tsakona usungu ng’ani. Na hayang’ali yomlomba IMNDEWA, tsakalila kwa usungu. 11 Hana keka natsili, kalonga, "Ghwe IMNDEWA yana ingupfu, undole nene mtumighwa wako! Ulole maghayo ghangu, na ung’umbuke, uleke kunisemwa! Ka kutsongaya mwana mmale, nelaha ghendo nitsokulapfila ghweghwe IMNDEWA imwana ayo yawe wako matsuwa ghake ghose hayatsokala mghima, na ng’atsogheta baye tsimvili tsake kwaapfila kalapfighwa kwa IMNDEWA."1:11 Kupeta 6:4-7
13 Hana yang’ali yolomba chinyelenyele aku mlomo ghwake ghung’ali ghohighisika, lekeni chayolonga ng’achihulikika baye. Eli tsakaghitsa Hana kapatika. 14 Apfo Eli kamlongela Hana, "Apfi kutsoghendelela ukupatika mbaka tsuwachi? Leka kunwa imbwali."
15 Hana kamwidika, "Baye mkulu wangu, nene na ipinga yane usungu ng’ani, nene sinwele baye dipfai wala mbwali, lekeni ning’ali nimlapfila IMNDEWA Imulungu ighali mna ghumoyo ghwangu.
20 Apfo Hana kakinda inda, keleka mwana mmale, naye kamkema Samweli, kwaapfila tsakalonga, "Nimlomba kwa Imulungu."
27 Ning’ali nimlomba IMNDEWA Imulungu yangaye imwana ayuno, naye IMNDEWA Imulungu kangaya ka pfanimlombile. 28 Apfo nomwing’a IMNDEWA Imulungu imwana ayuno, ghamatsuwa ghose hayatsokala mghima, yeye kalapfighwa kwa IMNDEWA Imulugu." Kuya ako wamtamanila IMNDEWA Imulungu.