10 Hana tsakona usungu ng’ani. Na hayang’ali yomlomba IMNDEWA, tsakalila kwa usungu. 11 Hana keka natsili, kalonga, "Ghwe IMNDEWA yana ingupfu, undole nene mtumighwa wako! Ulole maghayo ghangu, na ung’umbuke, uleke kunisemwa! Ka kutsongaya mwana mmale, nelaha ghendo nitsokulapfila ghweghwe IMNDEWA imwana ayo yawe wako matsuwa ghake ghose hayatsokala mghima, na ng’atsogheta baye tsimvili tsake kwaapfila kalapfighwa kwa IMNDEWA."1:11 Kupeta 6:4-7
15 Hana kamwidika, "Baye mkulu wangu, nene na ipinga yane usungu ng’ani, nene sinwele baye dipfai wala mbwali, lekeni ning’ali nimlapfila IMNDEWA Imulungu ighali mna ghumoyo ghwangu.
18 Hana kalonga, "Nokulomba unilolese pfinoghile." Kuya Hana koka, kaja ichijo na ichihanga chake nachoneke na usungu keli baye.
20 Apfo Hana kakinda inda, keleka mwana mmale, naye kamkema Samweli, kwaapfila tsakalonga, "Nimlomba kwa Imulungu."