ପୁଜା ଗାର୍ଣି ରଚ୍ନାକା
1 ଇଦାଂପାଚେ ହେୱାନ୍ ସିଟିମ୍ ମାର୍ତାଂ ପାଞ୍ଚ୍ ଆତ୍ ଡେଙ୍ଗା ଆରେ ପାଞ୍ଚ୍ ଆତ୍ ଅହାର୍ ଆରେ ତିନି ଆତ୍ ଉଚା ର ଚାରି କନାତ ପୁଜା ବେଦି ରଚ୍ଚାର୍ । 2 ଆରେ, ହେବେନି ଚାରି କନା ଜପି କମଙ୍ଗ୍ ରଚ୍ଚି ପିତାଡ଼୍ ଚାପାୟ୍କିତାର୍; ହେ କମଙ୍ଗ୍ ସବୁ ହେବେନି ବାଗ୍ ଆତିକ୍ । 3 ଆରେ ହେୱାନ୍ ବେଦିନି ସବୁ ବାହା, ଇଚିସ୍, କତ୍ନିବାହା, ୱାଞ୍ଜ୍ନିହଲି, କ୍ଡଇ, ତିନ୍ ଆକ୍ଡ଼ି ଆରି ରିକାଂବାହା, ଇସବୁ ବାହାଂ ପିତାଡ଼୍ତାଂ ରଚ୍ଚାର୍ । 4 ଇ ବେଦିନି ଚାର୍ କନା ତାରେନ୍ତାଂ ମାଦି ପାତେକ୍ ପିତାଡ଼୍ ରଚ୍ୟା ଆତି ଜାଲି ହିକ୍ଡ଼ିଂ ରଚ୍ଚାର୍ । 5 ଆରେ, କଣାନି ଡ଼ିଞ୍ଜ୍ନି କାଜିଙ୍ଗ୍ ହେ ପିତାଡ଼୍ ଜାଲିନି ଚାରି କନାତ ବାଡ଼ା ୱାକ୍ତାର୍ । 6 ଆରେ, ହେ ସିଟିମ୍ ମାର୍ତାଂ ହେ କଣା ରଚ୍ଚି ପିତାଡ଼୍ତାଂ ଚାପାୟ୍କିତାର୍ । 7 ଗାର୍ଣି ପିଣ୍ଡ୍ଜି ହେବେନି କଚଣ୍ ଜପି ହେ କଣା ବାଡ଼ାତ ଚାନ୍ଚାର୍; ଆରେ, ପାଗାଡ଼୍ ଇଡ଼୍ଜି ପାଟାତ ପୁଜା ଗାର୍ଣି ରଚ୍ଚାର୍ ।
ପିତାଡ଼୍ ନୁସ୍ନି ବାହା ରଚ୍ଚାର୍
8 ଆରେ, ଇମ୍ଣି କଗ୍ଲେକ୍ ହାନିୱାନି ତୁମ୍ନି-ଦୁୱେର୍ ତାକେ ହେବା କିତିକ୍, ହେ ହେବାକିନି କଗ୍ଲେକ୍ତି ପିତାଡ଼୍ ରଚ୍ଚି ଦାର୍ପାଣ୍ ହୁଦାଂ ହେୱାନ୍ ନୁସ୍ନି ବାହା ଆରି ହେବେନି ପିଣ୍ଡା ରଚ୍ଚାନ୍ ।
ବାହାକିନି ବେଦି ରଚ୍ଚାର୍
9 ଇଦାଂପାଚେ ହେୱାର୍ ହାୱାନି ତୁମ୍ ହାକ୍ଡ଼ି ରଚ୍ଚାନ୍; ତିନି ଦିଗ୍ତ ହାକ୍ଡ଼ିନି ତିନା ବାଗାଂ ନଟି ଡ଼ିଞ୍ଜ୍ନି ହାରୁ ନୁଲ୍ ସଏ ଆତ୍ ରଚ୍ଚି ପାର୍ଦା କିତାନ୍ । 10 ହେବେ କଡ଼େ ମୁଣ୍ଡା ଆରି କଡ଼େ କାଣାକିତିକୁଟ୍ଲା ପିତାଡ଼୍ନି, ଆରେ, ହେ ମୁଣ୍ଡାଂ ଆକଡ଼ା ଆରି ବନ୍ଦ୍କିନିକିଂ ରୁପା ମାଚିକ୍ । 11 ଦିଗ୍ ବାଗାଂ ପାର୍ଦା ସହେ ଆତ୍, ଆରେ, ହେବେନି କଡ଼େ ମୁଣ୍ଡାଂ କଡ଼େଗଟା କାଣାକିତିକୁଟ୍ଲା ପିତାଡ଼୍ନି ଆରି ମୁଣ୍ଡାନି ଆକଡ଼ା ବନ୍ଦ୍କିନିକିଂ ରୁପାନିକା ମାଚାତ୍ । 12 ୱେଡ଼ାହାନି ବାଗ୍ନି ପାର୍ଦା ପଚାସ୍ ଆତ୍ ମାଚାତ୍, ହେବେନି ଦସ୍ ମୁଣ୍ଡାଂ ଆରି ଦସ୍ଗଟା କାଣାକିତିକୁଟ୍ଲା ଆରେ, ମୁଣ୍ଡାନି ଆକଡ଼ା ଆରି ବନ୍ଦ୍କିନିକିଂ ରୁପା ମାଚାତ୍ । 13 ୱେଡ଼ାହତ୍ନି ଦିଗ୍ତ ୱେଡ଼ାହତ୍ନି ନିପଣ୍ଡାଂ ପଚାସ୍ ଆତ୍ ମାଚାତ୍ । 14 ଦୁୱାର୍ନି ର ପାଡ଼୍କା କାଜିଂ ପନ୍ଦର ଆତ୍ ପାର୍ଦା ଆରି ହେବେନି ତିନି କାଣାକିତିକୁଟ୍ଲା ମାଚିକ୍; 15 ସବୁନିପ ବିନ୍ ପାଡ଼୍କା କାଜିଂ ମାଚାତ୍ । ହାକ୍ଡ଼ିନି ଦୁୱାର୍ ଲାଗାଂ ଇପାଡ଼୍କାତାଂ ହେ ପାଡ଼୍କା ପନ୍ଦ୍ର ଆତ୍ ପାର୍ଦା ଆରି ହେବେନି ତିନି ମୁଣ୍ଡାଂ ଆରି ତିନିଗଟା କାଣାକିତିକୁଟ୍ଲା ମାଚିକ୍ । 16 ହାକ୍ଡ଼ିନି ଚାରିବେଣ୍ତି ସବୁ ପାର୍ଦା ନଟି ହାରୁ ନୁଲ୍ ରଚ୍ୟାସି ମାଚାତ୍ । 17 ଆରେ, ମୁଣ୍ଡାନି କାଣାକିତିକୁଟ୍ଲା ସବୁ ପିତାଡ଼ିଂ ମାଚିକ୍; ମୁଣ୍ଡାନି ଆକଡ଼ା ବନ୍ଦିକିନିକିଂ ରୁପାନିକା; ହେବେନି ମୁଣ୍ତ ଡାବୁଙ୍ଗ୍; ଆରେ, ରୁପା ବନ୍ଦିକିନିକିଂ ହାକ୍ଡ଼ିନି ସବୁ ମୁଣ୍ଡା ମେହାସି ମାଚାତ୍ । 18 ଆରେ, ହାକ୍ଡ଼ିନି-ଦୁୱାର୍ ଲାଗାଂ ପ୍ଡାକ୍ତି ହେନ୍ଦ୍ରା ନିଲ୍ୟା, ଦୁଆଁ, ହେନ୍ଦର୍ ବାନି ଆରି ନଟି ୱାଚ୍ଚି ସିଲ୍କୁ ନୁଲ୍ କାର୍କାନା ଆରି ହାକ୍ଡ଼ିନି ପାର୍ଦା ଲାକେ ହେଦାଂ ଡେଙ୍ଗାତିଂ କଡ଼େ ଆତ୍ ଆରି ଅହାର୍ ପାଞ୍ଚ୍ ଆତ୍ ଉଚା ମାଚାତ୍ । 19 ଆରେ, ହେବେନି ପିତାଡ଼୍ ଚାରି ମୁଣ୍ଡା ଚାରି କାଣାକିତିକୁଟ୍ଲା, ରୁପାନି ଆକଡ଼ା ଆରି ହେବେନି ମୁଣ୍ଡା ରୁପାଟାକା ଆରି ବନ୍ଦି ରୁପାନିକା ମାଚାତ୍ । 20 ଆରେ, ତୁମ୍ ନିକିଂ ଆରି ହାକ୍ଡ଼ିନି ଚାର୍ ବେଣ୍ତାଂ କୁଟିଙ୍ଗି ସବୁ ପିତାଡ଼ିଂ ମାଚିକ୍ ।
ଇଲ୍ କାଜିଂ ବେବାର୍ କିନି ଦିନିସ୍
21 ଲେବିୟ ମାନାୟାର୍ କାମାୟ୍ କାଜିଂ ହାରଣ ମାପ୍ରୁହେବାକିନାକାନ୍ ମେହି ଇତାମରଙ୍ଗ୍ କାଜିଂ ମସାତି ବଲ୍ ଇସାପ୍ରେ ତୁମ୍, ଇଚିସ୍, ସାକି ଲାକେ ତୁମ୍ନି ଗାଣାକିନି ଦିନିସ୍ ମୁମ୍ଦ ଇଦାଂ ଗାଣା କିୟାତାତ୍ । 22 ନିତ୍ରେମାପ୍ରୁ ମସାତି କାଜିଂ ଇମ୍ଣି ବଲ୍ ହିଜ଼ି ମାଚାତ୍, ହେ ଇସାପ୍ରେ ଜିହୁଦା ଲାତ୍ରା ଆସି ହୁରନି ନାତି ଉରିନି ମେହି ବତ୍ସଲେଲ୍ ହେସବୁ ରଚ୍ଚି ମାଚାର୍ । 23 ଆରେ ନିଲ୍ୟା, ଦୁଆଁ, ହେନ୍ଦର୍ ବାନି, ନଟି କୱାଣ୍ ନୁଲ୍ତ ରଚ୍ନାକାନ୍, (କାର୍ନିତ) ପତ୍ନାକାନ୍ ଆରି ପାଡ଼୍ନି ବୁଦି ୱିତ୍ନାକାନ୍ ଦାନ୍ ଲାତ୍ରା ହପ୍ଚି ଅହିସାମର୍ ମେହି ଅହଲିୟାବର୍ ହାଙ୍ଗ୍ଦାକାନ୍ ମାଚାନ୍ । 24 ପୁଇପୁୟା ବାହା ରଚ୍ୟାତି ସବୁ କାମାୟ୍ତ ଇସବୁ ହନା ଲାଗାତାତ୍, ଇଚିସ୍ ପୁଜା ବେଦିନି; ସବୁ ହନାନି ପୁଇପୁୟା ବାହାନି ସେକଲ୍ଇସାପ୍ରେ କଡ଼େନ ତୁଲା ତାଳନ୍ତ38:24 ୧ ତାଲନ୍ତ ୩୪ କେଜି ସାତ୍ସ ତିରିସ୍ ସେକଲ୍38:24 ୧ ସେକଲ୍ ର ଟାକା, ୭୩୦ ସେକଲ୍ ମାଚାତ୍ । 25 ଆରେ, ମଣ୍ଡ୍ଲିନି ଗାଣାକିୟାନି ମାନାୟାର୍ତି ରୁପା ପୁଇପୁୟା ବାହାନି ସେକଲ୍ ଇସାପ୍ରେ ଏକ୍ସ ତାଳନ୍ତ ଏକ୍ ହାଜାର୍ ସାତ୍ସ ସତୁରି ପାଞ୍ଚ୍ ସେକଲ୍ ମାଚାତ୍ । 26 ୱିଜ଼ାର୍ ଗାଣାକିୟାତି ମାନାୟାର୍ କାଜିଂ, ଇଚିସ୍, ଇମ୍ଣାକାର୍ କୁଡ଼େ ବାର୍ହୁ ବୁଡ଼ାର୍ କି ହେବେନି ଆଦିକ୍ ବୁଡ଼ାଲୁର୍ ମାଚାର୍, ହେ ଚ ଲକ୍ୟ ତିନି ହାଜାର୍ ପାଞ୍ଚ୍ସ ପଚାସ୍ ମାନାୟାର୍ ବିତ୍ରେ ୱିଜ଼ାର୍ କାଜିଂ ର ର ବେକା, ଇଚିସ୍, ପୁଇପୁୟା ବାହାନି ସେକଲ୍ ଇସାପ୍ରେ ଆଦା ଆଦା ସେକଲ୍ ହିଦେଙ୍ଗ୍ ଆଜ଼ି ମାଚାତ୍ । 27 ଲାଗିଂ ହେ ସହେ ତାଳନ୍ତ38:27 ୧ ତାଲନ୍ତ ୩୪ କେଜି ରୁପାତ ପୁଇପୁୟା ବାହାନି ଆରି କେନ୍ଚି ହେନ୍ଦ୍ରା କାଣାକିତିକଟ୍ଲା ୱାକ୍ତାର୍; ଏକ୍ସ କାଗଡ଼ା କାଜିଂ ସହେ ତାଳନ୍ତ, ଇଚିସ୍, ର ର କାଣାକିତିକୁଟ୍ଲା କାଜିଂ ର ର ତାଳନ୍ତ ବିକ୍ରି ଆତାତ୍ । 28 ଆରେ, ହେ ଏକ୍ ହାଜାର୍ ସାତ୍ସ ସତୁରି ପାଞ୍ଚ୍ ସେକଲ୍ ରୁପାତାଂ ହେ ତାରେନ୍ କାଜିଂ କାଗଡ଼ାଂ ରଚ୍ଚାର୍ ଆରି ହେବେନି ମୁଣ୍ଡାତିଂ ଆରି ବନ୍ଦିତ ମେହାୟ୍ କିତାର୍ । 29 ଆରେ, ପୁଜାକିନି ପିତାଡ଼୍ ତିନ୍କଡ଼ି ଦସ୍ ତାଳନ୍ତ38:29 ୧ ତାଲନ୍ତ ୩୪ କେଜି ଦୁଇ ହାଜାର୍ ଚାରିସ ସେକଲ୍ ମାଚାତ୍ । 30 ଲାଗିଂ ତା କାଜିଂ ହାନିୱାନି ତୁମ୍ ଦୁୱେର୍ନି କାଣାକିତିକୁଟ୍ଲା, ପିତାଡ଼୍ନି ଗାର୍ଣି, ହେବେନି ପିତାଡ଼୍ ହିକ୍ଡ଼ିଙ୍ଗ୍ ଆରି ଗାର୍ଣିନି ସବୁ ବାହା, 31 ଆରେ ହାକ୍ଡ଼ିନି ଚାରିବେଣ୍ତି କାଣାକିତିକୁଟ୍ଲା, ହାକ୍ଡ଼ି ଦୁୱାର୍ନି କାଣାକିତିକୁଟ୍ଲା, ବାହାନି ସବୁ କୁଟିଙ୍ଗ୍ ଆରି ହାକ୍ଡ଼ିନି ଚାରିବେଣ୍ତାଂ କୁଟିଂ ସମାନ୍ ରଚ୍ଚାର୍ ।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)