13 ହେବେ ଇସ୍ୱର୍‌ ନହଙ୍ଗ୍‌ ଇଚାନ୍‌, "ମା ମୁମ୍‌ଦ ୱିଜ଼ୁ ପାରାଣିଙ୍ଗ୍‌ନି ୱିସ୍‌ନି କାଡ଼୍‌ ଏକାୱାତାତ୍‌; ଇନେକିଦେଂକି ହେୱାର୍‌ତି ହୁକେ ପୁର୍ତି ପାପ୍‌ତ ବାର୍ତି ଆତାତ୍‌ନା; ଆରେ, ହୁଡ଼ା, ଆପ୍‌ ପୁର୍ତି ଲାହାଙ୍ଗ୍‌ ହେୱାରିଂ ବୁଡାୟ୍‌ କିନାସ୍‌ । 14 ଏପେଙ୍ଗ୍‌ ଜାର୍‌ କାଜିଂ ଦେବଦାରୁ ଜାତିନି ମାର୍‌ନି ୱେସ୍କୁତାଂ ର ଜାଜ୍‌ ରଚାଟ୍‌; ହେ ବିତ୍ରେ ବାର୍‌ବିନି ବାକ୍ରାଙ୍ଗ୍‌ ରଚ୍‌ଚି ହେ ବିତ୍ରେ ଆରି ବାର୍‌ତ ଲାକ୍‌ ହୁକେ ଡାଚାଟ୍‌ । 15 ହେଦାଂ ଇ ବାନି ରଚ୍‌ନାୟ୍‌; ଲାମାତିଂ ତିନିସ ଆତ୍‌, ଅହାର୍‌ତିଂ ପଚାସ୍‌ ଆତ୍‌, ଉଚାତିଂ ତିରିସ୍‌ ଆତ୍‌ ଆନାତ୍‌ । 16 ଜପିତାଂ ର ଆତ୍‌ ପିସ୍ତି ଜାଡ଼୍‌କା କିନାୟ୍‌, ଆରେ ହେଲାଗାଂ ଦୁୱାର୍‌ ଇଟ୍‌ନାୟ୍‌; ଆରେ ହେବେନି ପର୍‌ତୁମ୍‌, ଦୁଇ ଆରି ତିନ୍‌ନି ପାଉଜ୍‌ ରଚ୍‌ନାୟ୍‌ ।