5 Curuangah Peter cu thawng ah an thla, asinain kawhhran nih a hrangah cat loin Pathian sinah thla an cam.
7 Rinlopi in Bawipa ih vancungmi cu a tiang ih meisa nih thawnginn khan sung cu a tlet. Vancungmi nih Peter cu a hnin ih, "Zamrang in hang tho!" tiah a ṭhang. Cule Peter kut ih thirhri pawl cu an poih. 10 Ralkap ih an kilnak a pakhatnak kotka le a panihnak kotka cu an lan ih khawpi sung fehnak thir kotka an ban. Cuvai thir kotka cu an hrangah ama tein a hong fa ih an suak. Cule zalam pakhat an thlun ih rinlopi in vancungmi nih a zuangta hnei.
12 Cule thil cangmi a fiah ngah hnukah Marka an tihmi Johan ih nu Mary ih inn ah a feh; cuva ah mi tamngai an hmuakkhawm fa ih thla an cam deido. 13 Cun Peter nih suahka a king hnei ih Rhoda tihmi sinum nu cu kotka hong dingin a feh. 14 Cuvai nu nih Peter ih aw a si tih a fiah tikah a lungawi tuk ih suahka hman hong loin inn songah a lut sal ih, "Suahka hmai ah Peter a ding," tiah a sim hnei. 15 Cule anni nih, "Na aa mawh!" tiah an ti. Asinain, a si taktak tiah a tih thotho ruangah, "A vancungmi si lai tu!" tiah an ti.
16 Asinain Peter cu cat loin suahka a king ngelngo. Cule suahka cu an hong ih Peter a si tih an hmuh tikah an khawruah a har.