La Amɛ 110

Mesia, David Bi ɔ he la

1 Yehowa de ye Nutsɔ ɔ ke, "Moo hi si ngɛ ye hiɔ nɔ kɛ ya si be nɛ i ma ha nɛ o ye o he nyɛli ɔmɛ a nɔ."

2 Yehowa ngɔ o matsɛ yemi ɔ kɛ ma si ngɛ Yerusalem, konɛ o ye o he nyɛli ɔmɛ a nɔ matsɛ. 3 Nɛ ngɛ o kɛ o he nyɛli ɔmɛ nyɛ ta hwumi be mi ɔ, o nimli ɔmɛ nitsɛ maa ngɔ a he kɛ ha mo. A maa wlua a he ngɛ klɔuklɔu mi. A maa wo mo he wami daa ligbi kaa mɔtu bɔ. 4 Yehowa ka kita, nɛ e be e nya se kpalee, kaa osɔfo ji mo kɛ yaa neneene ngɛ Melkizedek blɔ nya tomi ɔ nya. 5 Neneene Tsɛ ɔ daa si ngɛ o kasa nya nɛ e ma fa o he. Nɛ ligbi nɛ e abofu maa te si ɔ, e maa ku matsɛhi babauu ngɔ pue si. 6 E maa gbla ma amɛ a tue, nɛ a ma hyi kɛ gbogboehi. Nɛ e maa plaa mahi babauu a nɔ yeli. 7 Matsɛ ɔ maa nu nyu ngɛ blɔ he pa a mi, nɛ e maa wo lɛ he wami.