La Amɛ 43

Pɛɛ kpami kɛ ha kpɔmi

1 Oo Tsaatsɛ Mawu, moo ye ye sane ɔ ha mi nɛ o kpɔ mi kɛ je nihi nɛ mɔbɔ nami kɛ anɔkuale yemi ko be a mi ɔ a dɛ mi, nɛ o ko bu a nya pomi ɔmɛ tue. 2 Ejakaa mo ji Mawu, nɛ mo ji ye yi baalɔ. Mɛni he je nɛ o si mi kɛ fɔ si? Mɛni he je nɛ ye he nyɛli ngɛ mi yi mi wae nɛ i ngɛ nɔ́ nae?

3 Oo ha nɛ o la kɛ o anɔkuale ɔ nɛ tsɔɔ mi blɔ nɛ a kpaka mi kɛ ba o Sɔlemi We nɛ ngɛ o Zion yoku klɔuklɔu ɔ nɔ ɔ. 4 Lejɛ ɔ nɛ i ma sa kɛ su Mawu bɔ sami la tɛ ɔ he ngɛ. Mo Mawu nɔ nɛ haa mi bua jɔmi ɔ. I ma fia ye kpa saku ɔ nɛ i ma la kɛ je mo ye Mawu o yi. 5 Oo ye susuma, mɛni he je nɛ o ngɛ haoe nɛ o pee yeyeeye kikɛ ɔ? Mo wo o hɛ kɛ fɔ Mawu nɔ. I ma je e yi lolo ngɛ e nyakpɛ yemi kɛ buami ɔ he; e ma ha ma muɔ ekohu, lɛ ji ye Mawu!