La Amɛ 122

Yerusalem tue mi jɔmi he kue fami

1 I na bua jɔmi be nɛ a de mi ke, "Moo te si nɛ waa ho Tsaatsɛ Mawu We ɔ ya." 2 Oo Yerusalem, wa daa si ngɛ o agbo ɔmɛ a mi. 3 Yerusalem ji ma nɛ a sa yi. 4 Ma he nɛ Mawu we bi ɔmɛ yaa, ngɛ Israel wɛtsowɛtso ɔmɛ a nya nɛ a ya sãa bɔ kɛ haa Tsaatsɛ Mawu kaa bɔ nɛ e fa mɛ ɔ. 5 Lejɛ ɔ nɛ a wo matsɛ sɛ ɔ kɛ ma si ngɛ, David matsɛ kojomi sɛ ɔ.

6 Nyɛɛ sɔle kɛ ha Yerusalem tue mi jɔmi nami. Nɔ fɛɛ nɔ nɛ suɔ mo ɔ, e maa ya nɔ. 7 He jɔmi maa hi o we ɔmɛ a mi; nɛ tue mi jɔmi maa hi o matsɛ we ɔmɛ a mi. 8 Ye nyɛmimɛ kɛ ye huɛmɛ a he je ɔ, i ngɛ Yerusalem "Manye hae!" 9 Nɛ ngɛ Neneene Tsɛ, wa Mawu ɔ We ɔ he je ɔ, i ma sɔle nɛ e hi kɛ ha mo.