1 Kuasiahi nɛ susuu kaa "Mawu ko be." Yi mi wali kɛ yayami peeli ji mɛ.

2 Tsaatsɛ Mawu hyɛɛ adesahi kɛ jee hiɔwe kaa e maa na nɔ́ lelɔ ko nɛ ngɛ e se blɔ hlae lo. 3 Se mɛ tsuo a puɛ kɛ yayami, nɛ a tsui je Mawu he. Nɔ kake too po be nɛ peeɔ kpakpa, nɔ ko be. 4 Kɛ e ba kɛɛ? Anɛ yayami peeli be juɛmi lo? Ejakaa a ngɛ ye nimli ɔmɛ yee kaa a yeɔ abolo, nɛ a kua Mawu. 5 Se e be kɛe nɛ gbeye nɔ́ nɛ a nui eko hyɛ maa ba a nɔ. Mawu maa gbɛ he nyɛli nɛ ɔmɛ a wuhi kɛ fia. A hɛ mi ma kpata, ejakaa Mawu kua mɛ.

6 Oo, i na nɛ Tsaatsɛ Mawu je Zion kɛ ba nɛ e ba he Israel yi wami! Benɛ Neneene Tsɛ ɔ nitsɛ ma kpɔ mɛ ekohu ɔ, a bua maa jɔ a he saminya.