1 Ke pi Tsaatsɛ Mawu nɛ ngɛ tsu ɔ mae ɔ, lɛɛ yaka dengme nɛ tsu fiali ɔmɛ ngɛ gboe. Ke pi Tsaatsɛ Mawu nɛ ngɛ ma a he bue ɔ, lɛɛ yaka tsuaa nɛ buli ɔmɛ ngɛ nyɔ hwɔɔe. 2 Yaka tsuaa nɛ o tee si makɛ nɛ o tsuɔ ni hluu kɛ ya siɔ nyɔ mi ngɛ, ejakaa o ngɛ gbeye yee kaa hwɔ maa gbe mo. Mawu haa nihi nɛ e suɔ mɛ ɔ a hiami ni, nɛ e suɔ kaa a na he jɔɔmi bɔ nɛ sa.

3 Tsaatsɛ Mawu nike ni ji bimɛ, nɛ a ji jɔɔmi. 4 Nihe mi bimɛ nɛ nɔ ko fɔ ɔ, a ngɛ kaa ta hwuli nɛ ma fã e he. 5 Nɔ nɛ ngɛ bi nɛ ɔmɛ fuu ɔ, bua jɔmi ji e nɔ. Zo be lɛ gbee ke e kɛ e he nyɛli kpe ngɛ kojomi he.