1 Mɛni he je nɛ o fiaa, nɛ o tsɛɔ o he katsɛ ngɛ o ni yayami peemi he? Mawu suɔmi se pui. 2 O he sɔɔ kɛ ga yayahi a tsɔmi, nɛ o lilɛ nya ba kaa yi sɛmi ha, nɛ o tsuɔ yi mi wami ni tsumihi. 3 O suɔ nɔ́ yayami peemi pe bɔ nɛ o suɔ nɔ́ kpakpa. Nɛ o suɔ lakpa yemi pe anɔkuale tumi. 4 Ní puɛmi munyu nɛ o tuɔ, mo lakpatsɛ.

5 Mawu ma kpata o hɛ mi; nɛ e ma je mo kɛ je o sihi he ɔ, nɛ e ma wo mo kɛ je nimli hɛ kali a kpɛti. 6 Mawu se nyɛɛli ɔmɛ maa na enɛ ɔ nɛ a maa ye gbeye; se a maa muɔ nɛ a ma de ke, 7 "Nyɛɛ hyɛ níhi nɛ baa ni nɛmɛ nɛ bui Mawu ɔ a nɔ. Nihi nɛ ngɔɔ a hɛ kɛ fɔɔ a ni nami nɔ, nɛ a tsuɔ yi mi wami ni tsumi ɔ."

8 Se ami lɛɛ i ngɛ kaa nu tso nɛ bɔɔ ngɛ Tsaatsɛ Mawu nitsɛ we ɔ, nɛ i ngɔ ye hɛ ngɔ fɔ e mɔbɔ nami nɛ ngɛ daa a nɔ. 9 Oo Neneene Tsɛ, i ma je o yi daa ngɛ ye tue gblami ɔ he, nɛ i ma hyɛ o mɔbɔ nami ɔ blɔ ejakaa nɔ fɛɛ nɔ le kaa Mawu mɔbɔ nalɔ ji mo.