1 Nyɛ je Tsaatsɛ Mawu yi. I ma je Neneene Tsɛ ɔ yi kɛ ye tsui kulaa ngɛ dali a asafo ɔ hɛ mi. 2 Tsaatsɛ Mawu ni tsumi ɔmɛ ɔ kle. Nihi kulaa nɛ le sina a, a kɛ mi nɛ susu a he. 3 E nyakpɛ ni tsumi ɔmɛ tsɔɔ bumi nɛ ngɛ e he, e agbo jemi, kɛ e dami nɛ ngɛ kɛ yaa neneene ɔ.

4 Mɛnɔ hɛ maa je e mɔbɔ nami kɛ dloomi kɛ nyakpɛ ni tsumi ɔmɛ a nɔ. 5 E haa nihi nɛ heɔ e nɔ yeɔ ɔ niye ni; nɛ e kaii e somi ɔ daa. 6 E ngɔ ma je li ɔmɛ a zugba a kɛ ha e nimli ɔmɛ nɛ e kɛ tsɔɔ mɛ e he wami. 7 Nɔ́ tsuaa nɔ nɛ e pee ɔ da nɛ e hi, nɛ e mlaa amɛ kulaa da. 8 Ejakaa anɔkuale kɛ dami nɔ nɛ e gu kɛ pee; a maa ma si kpɛii kɛ ya neneene. 9 E ha e nimli ɔmɛ ye a he, nɛ e kɛ mɛ so somi nɛ ngɛ kɛ yaa neneene. E biɛ ngɛ klɔuklɔu nɛ e he ngɛ gbeye.

10 Tsaatsɛ Mawu gbeye yemi ji nile sisi jemi, nɛ nihi kulaa nɛ yeɔ e mlaa amɛ a nɔ ɔ, a ma na nɔ́ sisi numi. A je e yi kɛ ya neneene .