1 Nihi nɛ wo a hɛ kɛ fɔ Neneene Tsɛ ɔ nɔ ɔ, a ngɛ kaa Zion Yoku ɔ; e ngɛ daa, nɛ e be hosoe ligbi ko.

2 Kaa bɔ nɛ yoku ɔmɛ bɔle Yerusalem kɛ kpe ɔ, ja a pɛ nɛ Tsaatsɛ Mawu bɔle e nimli ɔmɛ a he kɛ kpe kɛ yaa neneene. 3 Dikali be dali a nɔ yee, bɔ nɛ pee nɛ a ko nyɛ dali ɔmɛ a nɔ nɛ a pee yayami. 4 Oo Tsaatsɛ Mawu, moo pee nihi nɛ hi ɔmɛ kpakpa, nihi nɛ a tsui ngɛ o he ɔ. 5 Se yayami peeli ɔmɛ ɔ, o kpaka mɛ kɛ ya hɛ mi kpatami mi; nɛ o ha Israel he jɔmi kɛ tue mi jɔmi.