1 Nutsɔ, mɛni be o hɛ maa je ye nɔ kɛ ya si? Kɛ yaa neneene lo? Nɛ kɛ ya si mɛni be nɛ o ma plɛ o hɛ mi kɛ fɔ he kpa, be mi nɛ ye yi fi ɔ? 2 Mɛni be nɛ i ma ngɔ nɔ́ nɛ i ngɛ haoe ngɛ he ngɛ ye mi daa a kɛ laa kɛ ya si? Nɛ kɛ yaa si mɛni be nɛ ye he nyɛli ɔmɛ maa ye ye nɔ? 3 Mo ha mi heto Nutsɔ, ye Mawu. Ha nɛ o la a nɛ tso ha mi ngɛ diblii ɔ mi, ke pi ja a, i ma gbo. 4 Ko ha nɛ ye he nyɛli ɔmɛ nɛ a de ke, "Wa ye e nɔ!" Ko ha nɛ a nya ngɛ ye si gbeemi ɔ he.

5 Ejakaa ami lɛɛ, mo o nɔ nɛ i wo ye hɛ kɛ fɔ. O mɔbɔ nami kɛ yi wami hemi ji ye bua jɔmi kɛ hɛ nɔ kami. 6 I ma wo ye gbi nɔ nɛ ma la kɛ je Nutsɔ ɔ yi, ejakaa e jɔɔ mi pe bɔ nɛ i ma nyɛ ma tsɔɔ.