1 Yerusalem, Tsaatsɛ Mawu ma a, maa si ngɛ e yoku klɔuklɔu ɔ yi mi plooplo. 2 Tsaatsɛ Mawu suɔ Yerusalem pe Israel ma amɛ tsuo.

3 Oo Mawu ma, nyakpɛ níhi nɛ a deɔ ngɛ o he. 4 Amlɔ nɛ ɔ, ke i tsɛ Mizraim biɛ, Babilonia, Filistia kɛ Tiro biɛ, aloo Etiopia nɛ ngɛ lokoo ɔ biɛ ngɛ ye huɛmɛ a kpɛti ɔ, a ti nɔ ko fĩaa nɛ e deɔ ke a fɔ lɛ ngɛ ma nɛ ɔ loo lɔ ɔmɛ a kpɛti eko mi. 5 Se hwɔɔ se ɔ, nɔ nɛ a maa wo e hɛ mi nyami pe kulaa ji Yerusalem no. Ejakaa Tsaatsɛ Mawu nɛ kle pe mawuhi kulaa a nitsɛ maa jɔɔ ma nɛ ɔ. 6 Benɛ e maa kane e mi nimli ɔmɛ ɔ, e maa wo nihi nɛ a fɔ ngɛ lejɛ ɔ a biɛ he so. 7 Nɛ ngɛ gbijlɔ ligbi ɔmɛ a nɔ ɔ, lali kɛ fiɛli ɔmɛ tsuo ma la ke, "Ye tsui kulaa ngɛ Yerusalem."