1 Mo je Tsaatsɛ Mawu yi! Mo je Tsaatsɛ Mawu yi, ye susuma! 2 Be abɔ nɛ i ngɛ wami mi nɛ ɔ, i ma je Tsaatsɛ Mawu yi. I ma la yi jemi la kɛ ha Neneene Tsɛ ɔ, be abɔ nɛ i ngɛ mumi woe ɔ.

3 Mo ko wo o hɛ kɛ fɔ matsɛmɛ a nɔ, loo nɔmlɔ adesa ko nɔ; a be o yi wami nyɛe ma he. 4 Ejakaa adesa fɛɛ adesa ma gbo. E ma plɛ zu ekohu. Nɛ jamɛ a ligbi ɔ nɔuu ɔ, e yi mi tomi ɔmɛ tsuo maa ba nyagbe. 5 Se a jɔɔ nɔ nɛ Yakob Mawu ɔ ji e yemi kɛ bualɔ; nɔ nɛ e hɛ nɔ kami ji Yehowa, e Mawu ɔ. 6 Nɔ nɛ bɔ hiɔwe kɛ zugba, wohi kɛ a mi nɔ fɛɛ nɔ, nɔ nɛ yeɔ si womi nɔ ɔ. 7 Nɔ nɛ yeɔ ohiafohi kɛ nihi nɛ a ngɛ mɛ yi kpɛti wae ɔ a sane kɛ haa mɛ; nɛ e woɔ ni nɛmɛ nɛ hwɔ ngɛ mɛ yee ɔ a nya ngma a. E ngmɛɛɔ nihi nɛ a wo mɛ tsu mi ɔ a he. 8 Neneene Tsɛ ɔ bliɔ hɛ yuyuili a hɛ ngmɛ. E woɔ nihi nɛ a nɔ si ɔ a nɔ. Tsaatsɛ Mawu suɔ dali ɔmɛ. 9 Yehowa buu nibwɔhi a he; e hyɛɔ yalɔyihi kɛ awusahi a nɔ; se e butuu dikali a blɔ nya tomi ɔmɛ.

10 Yehowa maa ye matsɛ kɛ ya neneene. Oo Yerusalem, o Mawu ɔ ji Matsɛ kɛ ha yi nɔhi kulaa! Nyɛ je Neneene Tsɛ ɔ yi.