1 Oo Tsaatsɛ Mawu, moo bu mi tue! Moo bu ye sɔlemi kɛ pɛɛ kpami ɔ tue! 2 Se he fɛɛ he nɛ i ngɛ ɔ, ke zugba a nyagbe he tsitsaa tete ɔ, i ma kpa ngmlaa kɛ tsɛ mo nɛ o ye kɛ bua mi. Ke ye mumi nya ta, nɛ ye tsui hao ɔ , mo kpaka mi kɛ ya Tɛ ngua gojoo ɔ he, nɛ ma na laami he. 3 Ejakaa mo ji ye wesa he, mwɔ nɛ he wa, he nɛ ye he nyɛli ɔmɛ a nine be ye nɔ sue ngɛ. 4 Oo, i ma hi o we ɔ daa, konɛ ye yi nɛ na wami ngɛ o pɛlihi a sisi. 5 Oo Neneene Tsɛ, o nu ye si womi ɔmɛ, nɛ o jɔɔ mi kɛ jɔɔmi nɛ o ngɔ kɛ to ha nihi nɛ buu o biɛ ɔ.

6 Moo piɛ matsɛ ɔ jeha amɛ a he ha lɛ, nɛ e se nɛ kɛ ngɛ je mi. 7 Ha nɛ e ye matsɛ ngɛ o biɛ mi daa. Oo, mo ha nɛ o suɔmi kɛ mi mi jɔmi kɛ anɔkuale ɔ nɛ bu e he. 8 Nɛ i ma je o biɛ ɔ yi be fɛɛ be, nɛ i ma ye ye si womi kaa i ma je o yi daa a nɔ.