1 Aba lariñagun Aburemei nun:

2 «Liráü wügüri, kagia idan labuidura tugudina tídibu beibei

luéi fulansu tídangiñeti amu tídibu wewe?

3 Masudininti lugudina lun ni kata,

ni íbini lun ladügǘn aban tadahiha gamisa!

4 Lúnrügüñein wátume leseriwida.

Dan le gudaali lígirugu

saligua ligía liranaagua garubunme,

kábagia un leseriwida?

5 Anhein meseriwín lubéi meha lun ni kata

dan le meha dayarügili,

gúbume guentó dan le gudaali!»

6 «Ligía nariñagunbei, au, le Aburemei:

Ítara kei lichugúniwa tugudina tídibu beibei wáturugun, lun legemechun,

ítara luba giñe níchuguniña lílana Herusalén wáturugun.

7 Nagaganirubaña.

Hesefuruba luéi aban watu gemeti,

gama lumoun hábürühaba lidoun amu,

ábame láguduniña.

Danme le nagaganiragun hama,

hasubudirubei luagu au lan Aburemeibei.

8 Nadügübei hageira fulasume mageirawati,

ladüga múaradun hamá numa.

Au, le Aburemei ariñagubalin».