3 Ábati lariñagun Bungiu:
—Harugoungalá!
Ábati larugoungadun.
6 Lárigiñe lira, lariñaga Bungiu:
—Ñeinlá aban fánreinguaü labadinagua duna, lerederame líbiri duna ǘnabu líbiri iñu. Aba lasuseredun ítara.
9 Ábayati lariñagun Bungiu:
—Óundaraguala duna le lábugiñebei sielu lidan aban, ñein láamuga giñe fulasu mábeiti.
Aba lasuseredun ítara. 11 aba lariñagun:
—Hüchala sun luwuyeri nadü múarugu: Híduru le burí íchuguti ilaü luma burí tídibu wewe le gagindaditi.
Ani ítara liña lasuseredun.
14,15 Ábayati lariñagun Bungiu:
—Ñeinlá burí leiti sielu lun líchugun larugounga lidoun ubóu, fánreingua láamugei wéyuagu luéi guñoun, seriwi láamuga giñe lun larufuduni burí weyu, irumu luma burí uéyuri.
Ani ítara liña lasuseredun.
20 Lárigiñe le aba lariñagun Bungiu:
—Güriagualá duna sun hawuyeri animaalu ha abagaridubaña lidan, ñein hamá giñe dunuru lun háhamahan garabalirugu.
Ani ítara liña lasuseredun.
24 Ábati lariñagun Bungiu:
—Ñein hamá sun hawuyeri animaalugu ubouagu dandu ha ibiñanigu kéisigubeirügü ha áraabuna hama ha aduruuharügübaña múarugu.
Aba lasuseredun ítara. 26 Aba lubeiti lariñagun:
—Guentoti adüga waméi wügüri. Wenegebei, gabafubei hawagu úduraü, dunuru, ibiñanigu, animaalugu áraabuna hama sun ha aduruuharügübaña múarugu.