Lagúarun Bungiu lun Abürámü
1 Luagu aban weyu, aba lariñagun Bungiu lun Abürámü:
—Ígirabei bufulasun, biduheñu tuma luban búguchi, ñüdün báamuga lidoun fulasu le lunbei narufuduni bun. 2 Nadügüba aban óunwenbu néchani hau badügawagun; nabinirubadibu, naganbahagüdüba buagu, ábanbadibu abinirúni houn amu gürigia. 3 Nabinirubaña ha abinirutibu, íñaraguanañame ha íñaragutibu, habinirúba gürigia ubouagu bídangiñe.
4 Aba láfuridun Abürámü Arangiñe kei lariñaguni Bungiu lun. Ǘrüwa-wein-keinsi irumu lau dan le láfuridunbei ñéingiñe lun lidin Kanán.