Lichugúniwa seini tuagu lóustarun Abürámü
1 Dan le gádürü-wéinhali-disinéfu irumu lau Abürámü, aba lasaliragun Bungiu lun, lariñaga lun:
—Au Búngiubei le Suntigabafu; winwanbá aban ibagari harumati nigibugiñe, 2 ábame nadügün aban daradu buma. Nadügüba lun gibe hamá badügawagun.
5 mámaalime giñe Abürámü biri. Lúmagiñe guentó Abüraámü ligíaba biri, ladüga nadügaadibu lun háguchi ban saragu néchanigu. 6 Nadügüba lun gibe hamá badügawagun; háfuriduba urúeigu hama saragu néchanigu bídangiñe.