7 Ábati ladügüni Wabureme Bungiu wügüri lídangiñe múa, aba líchugun ibagari lun, lau láfurun lígirugun. Ítara liña liabin wügüri lun gabagari lan.
15 Dan le líchugunbalin Wabureme Bungiu wügüri lidoun Edén, lun lábunaguni, luma lun lóunigiruni, 16 aba líchuguni lúrudu le lun:
—Gayaraati beigin tídangiñe tin sun wewe to yaaboun, 17 gama lumoun meigabóun tin wewe to lánina lasubudirúniwa le buídubei lumoun le wuribabei. Meigabóun tin wewe tuguya, ladüga anhoun beiga ninarün bau bóunweba.
19,20 Ábati ladügüniña Wabureme Bungiu sun animaalugu hama sun dunuru lídangiñe múa, aba lanügüniña lun wügüri lun líchugun hiri. Aba líchugun wügüri hiri sun animaalugu ha áüdübüna, sun dunuru hama sun animaalugu ha áraabuna, íriti le líchugubei hawagu, ligía híribei dagá guentó. Lau sun lira úati ni aban hádangiñe eseriwiduti ídemueime lun lidan sun katei.