Gênesis 37

ಜೊಸೆಪ್ ಅನಿ ತೆಚಿ ಭಾವಾ

1 ಜಾಕೊಬ್ ಅಪ್ಲೊ ಬಾಬಾ ಹೊತ್ತ್ಯಾ ಕಾನಾನ್ ದೆಶಾತುಚ್ ಹೊತ್ತೊ. 2 ಹಿ ಜಾಕೊಬಾಚ್ಯಾ ಪಿಳ್ಗಿಚಿ ಚರಿತ್ರಾ: ಜುಜೆಕ್ ಸತ್ರಾ ವರಿಸ್ ಹೊಲ್ಲ್ಯಾ ತನ್ನಾ ತೆಚಿ ಭಾವಾಂಚ್ಯಾ ವಾಂಗ್ಡಾ ಬಕ್ರಿ ರಾಕುಕ್ ಜಾಯ್,

ಅನಿ ಜುಜೆಚೆ ಕಾಮ್ ಬಕ್ರಿ ರಾಕ್ತಲೆ ಹೊಲ್ಲೆ, ತೊ ಅಪ್ಲಿ ಭಾವಾ ಬಿಲ್ಹಾ ಅನಿ ಜಿಲ್ಪಾಚ್ಯಾ ಲೆಕಾನಿ ಕಾಯ್ಬಿ ಬುರ್ಸೆ ಕರ್ಲ್ಯಾರ್ ಅಪ್ಲ್ಯಾ ಬಾಬಾಕ್ ಯೆವ್ನ್ ಸಾಂಗಿ.

3 ಇಜ್ರಾಯೆಲ್ ಲೈ ಮಾತಾರೊ ಹೊಲ್ಲ್ಯಾ ತನ್ನಾ ಜುಜೆ ಉಪಾಜಲ್ಲೊ ರ್‍ಹಾತಾ, ತಸೆ ಹೊವ್ನ್ ತೆಕಾ ತೊ ಸಗ್ಳ್ಯಾ ಲೆಕಾಂಚ್ಯಾಕಿಂತಾಬಿ ಲೈ ಪ್ರೆಮ್ ಕರುನ್ ತೆಕಾ ಎಕ್ ಝಗೊ ಸಿವ್ನ್ ದಿಲ್ಲ್ಯಾನ್.

4 ಜುಜೆಕ್ ತೆಜೊ ಬಾಬಾ ಲೈ ಪ್ರೆಮ್ ಕರ್‍ತಲ್ಯಾ ವೈನಾ ತೆಚಿ ಭಾವಾ ಜುಜೆಚ್ ಬಗಟ್ಲ್ಯಾ ಸೆರ್ಯಿನಸಿತ್ ಅನಿ ಬರೆ ಕರುನ್ ಬೊಲಿನಸಿತ್.

5 ತಸೆ ರ್‍ಹಾತಾನಾ ಜುಜೆಕ್ ಎಕ್ ವಿಶೆಸ್ ಸಫಾನ್ ಪಡ್ತಾ, ತನ್ನಾ ತೊ ಜಾವ್ನ್ ತ್ಯಾ ಸಫ್ನಾಚ್ಯಾ ವಿಶಯಾತ್ ತೆಚ್ಯಾ ಭಾವಾಚ್ಯಾಂಕ್ಡೆ ಜಾವ್ನ್ ಸಾಂಗ್ತಾ, ತನ್ನಾ ತೆಂಕಾ ತೆಚ್ಯಾ ವರ್‍ತಿ ಲೈ ರಾಗ್ ಯೆತಾ. 6 ತನ್ನಾ ಜುಜೆನ್ ತೆಂಕಾ, ಮಾಕಾ ಪಡಲ್ಲೆ ಸಫಾನ್ ಸಾಂಗ್ತಾ ಆಯ್ಕಾ. 7 ಅನಿ ಅಮಿ ಸಗ್ಳ್ಯಾ ನಿ ಸೆತಾತ್ ಘಂವಾಚಿ ಭಾರೆ ಭಾಂದ್ತಾನಾ, ಮಾಜೊ ಭಾರೊ ಉಟುನ್ ಇಬೆ ರ್‍ಹಾತಾ; ಮಾಜ್ಯಾ ಭಾರಾಚ್ಯಾ ಭೊತ್ಯಾನಿ ತುಮ್ಚಿ ಭಾರೆ ಸಗ್ಳಿ ಇಬೆ ರ್‍ಹಾವ್ನ್ ಮಾನ್ ಬಾಗ್ವುಲ್ಯಾನಿ ಮಟ್ಲ್ಯಾನ್.

8 ತನ್ನಾ ತೆಚ್ಯಾ ಭಾವಾನಿ ತೆಕಾ, "ತೆಚೆ ಯೆವ್ಜನ್ ಅಮ್ಚ್ಯಾ ವರ್‍ತಿ ತಿಯಾ ರಾಜಾ ಹೊವ್ನ್ ಅಮ್ಚ್ಯಾ ವರ್‍ತಿ ರಾಜ್ವಟ್ಕಿ ಕರ್ತೈ?" ಮನುನ್ ತ್ಯಾ ಸಪ್ನಾಚ್ಯಾ ವೈನಾ ಅನಿಬಿ ತೆಕಾ ಲೈಚ್ ಸೆರ್ಯಿಸಿತ್.

9 ಮಾನಾ ಅನಿಬಿ ಜುಜೆಕ್ ಸಫಾನ್ ಪಡ್ತಾ, ತನ್ನಾ ತೆಚ್ಯಾ ಭಾವಾಕ್ನಿ ಜಾವ್ನ್ ಸಾಂಗ್ತಾ, ಮಾಕಾ ಅನಿಬಿ ಎಕ್ ಸಫಾನ್ ಪಡ್ಲಾ, ದಿಸ್, ಚಂದಾಮಾ ಅನಿ ಅಕ್ರಾ ಚುಕ್ಕಿಯಾ ಮಾಕಾ ಮಾನ್ ಬಾಗ್ವುತ್ತಲೆ ಮಿಯಾ ಬಗಟ್ಲೊ, ಮಟ್ಲ್ಯಾನ್.

10 ಅನಿ ಅಪ್ನಾಚ್ಯಾ ಬಾಬಾಕ್ಡೆಬಿ ಜಾವ್ನ್ ಸಾಂಗ್ತಾ, ಖರೆ ತೊ "ಹೆ ಕಸ್ಲೆ ಸಫಾನ್? ಮನುನ್ ತೆಕಾ ಗಾಳಿ ದಿವ್ನ್, ತೆಕಾ ಮಿಯಾ ತುಜಿ ಬಾಯ್ ಅನಿ ತುಜಿ ಭಾವಾ ತುಕಾ ಮಾನ್ ಬಾಗ್ವುತ್ತಲೆ ಮನುನ್ ಯವಜ್ತಲೆ ಕಾಯ್?" ಮನುನ್ ಜುಜೆಕ್ ಇಚಾರ್‍ಲ್ಯಾನಿ.

11 ಮಾನಾ ಜುಜೆಚೊ ಬಾಬಾ ತ್ಯಾ ಸಫ್ನಾಚ್ಯಾ ವಿಶಯಾತ್ ಅಜಾಪ್ ಹೊವ್ನ್ ಯೆವ್ಜುಕ್ ಲಾಲೊ, ಮಾನಾ ಜುಜೆಚಿ ಭಾವಾ ತೆಕಾ ಲೈಚ್ ಕುಸ್ಡೆಪಾನ್ ಕರಿತ್.

ಜುಜೆಕ್ ಇಕಲ್ಲೆ ಅನಿ ಇಜಿಪ್ತಾಕ್ ನ್ಹೆಲ್ಲೆ

12 ಜುಜೆಚಿ ಭಾವಾ ಎಕ್ ದಿಸಾ ತೆಂಚ್ಯಾ ಬಾಬಾಚಿ ಬಕ್ರಿ ರಾಕುಕ್ ಶೆಕೆಮಾಕ್ ಗೆಲ್ಯಾನಿ.

13 ಮಾನಾ ಇಜ್ರಾಯೆಲಾನ್ ಜುಜೆಕ್, "ತಿಯಾ ಶೆಕೆಮಾಕ್ ಜಾ, ಥೈ ತುಜಿ ಭಾವಾ ಮಾಜಿ ಬಕ್ರಾಂಚೊ ತಾಂಡೊ ಚಾರ್ವುಕ್ " ಗೆಲಾತ್, ಮಟ್ಲ್ಯಾನ್ ತನ್ನಾ ಜುಜೆನ್, "ಹಾ ಮಿಯಾ ಜಾತಾ" ಮನುನ್ ಜವಾಬ್ ದಿಲ್ಯಾನ್.

14 ಅನಿ ಇಜ್ರಾಯೆಲಾನ್ ತೆಕಾ ಹೆಬ್ರೊನಾಚ್ಯಾ ಕೊಳ್ಳಾಚ್ಯಾ ವಾಟೆಕ್ ಶೆಕೆಮಾಕ್ ಜಾ ಅನಿ ತುಜಿ ಭಾವಾ ಬರೆ ಹಾತ್ಕಿ ನಾ ಮನುನ್ ಅನಿ ಬಕ್ರಿಯಾಕ್ನಿ ಬಗುನ್ ಯೆವ್ನ್ ಮಾಕಾ ಕಳ್ವು ಮನುನ್ ಧಾಡುನ್ ದಿಲ್ಯಾನ್, ಮಾನಾ ಜಾಕೊಬ್ ಶೆಕೆಮಾಕ್ ಯೆವ್ನ್ ಪಾವ್ಲೊ. 15 ಜುಜೆ ಶೆಕೆಮಾಚ್ಯಾ ಸೆತಾತ್ನಿ ಫಿರುನ್ ಖೆಳ್ತಲೆ ಬಗುನ್ ಎಕ್ಲ್ಯಾನ್, "ಹಿತ್ತೆ ಕಾಯ್ ಹುಡ್ಕುಲೈ?" ಮನುನ್ ಇಚಾರ್‍ಲ್ಯಾನಿ.

16 ತನ್ನಾ ಜುಜೆನ್ ತೆಕಾ, "ಮಾಜಿ ಭಾವಾ ಆಮ್ಚಿ ಬಕ್ರಿಯಾಂಚೊ ಹಿಂಡ್ ಖೈ ಚಾರ್ವುಲ್ಲಾತ್? ಮಿಯಾ ತೆಂಕಾ ಹುಡ್ಕುಲ್ಲಾ" ಮನುನ್ ಸಾಂಗ್ಲ್ಯಾನ್.

17 ತೆನಿ ತೆಕಾ, "ಹಿತ್ತೆತ್ನಾ ತೆನಿ ಗೆಲೆ, ಅನಿ ತೆನಿ ಅಮಿ ದೊತಾನಾಕ್ ಜಾಂವಾ ಮನುನ್ ಬೊಲುಲಾಗಲ್ಲೆ ಮಿಯಾ ಆಯ್ಕಲ್ಲೊ" ಮಟ್ಲ್ಯಾನ್, ಮಾನಾ ಜುಜೆನ್ ದೊತಾನಾಕ್ ಹುಡ್ಕುನ್ಗೆತ್ ಜಾವ್ನ್ ಪಾವುನ್ ಥೈ ತೆಂಕಾ ಭೆಟ್ಲೊ.

18 ಮಾನಾ ತೆಚ್ಯಾ ಭಾವಾನಿ ತೆಕಾ ಧುರ್ನಾಚ್ ಬಗುನ್ ತೆನಿ ತೆಚ್ಯಾ ವಿರೊಧ್ ತೆಜೊ ಜಿವ್ ಕಾಡುಚೆ ಮನುನ್ ಚಿಂತಲ್ಯಾನಿ. 19 ಅನಿ "ಅಬಕಾ" ಸಫಾನ್ ಬಗ್ತಲೊ ಯೆವ್ಲಾ ಮನುನ್ ಎಕಾ ಮೆಕಾಕ್ ಬೊಲುನ್ ಘೆಟ್ಲ್ಯಾನಿ. 20 ಯೆವಾ, ತೆಕಾ ಜಿವ್ ಕಾಡುನ್ ಪಾನಿ ನಸಲ್ಲ್ಯಾ ಭಾಂಯ್ತ್ ಟಾಕುಂವಾ, ಅನಿ ಕ್ರುರ್ ಜನಾವರಾನ್ ಯೆವ್ನ್ ತೆಕಾ ಖಾಲ್ಯಾನ್ ಕಾಯ್ಕಿ ಮನುನ್ ಸಾಂಗುವಾ, ತನ್ನಾ ತೆಚಿ ಸಪ್ನಾ ಕಾಯ್ ಹೊತಾತ್ ಬಗುಂವಾ ಮನುನ್ ಬೊಲುನ್ ಘೆಟ್ಲ್ಯಾನಿ.

21 ಖರೆ ರುಬೆನಾನ್ ತೆನಿ ಸಾಂಗಲ್ಲೆ ಆಯ್ಕುನ್ ತೆಂಕಾ, ಅಮಿ "ತೆಜೊ ಜಿವ್ ಕಾಡ್ತಲೆ ನಕ್ಕೊ" ಮಟ್ಲ್ಯಾನ್. 22 "ತೆಕಾ ಡಂಗ್ಳಿತ್ಲ್ಯಾ ಪಾನಿ ನಸಲ್ಲ್ಯಾ ಭಾಂಯಿತ್ ಡಕ್ಲುನ್ ಘಾಲಾ ಖರೆ ತೆಕಾ ಕಾಯ್ಬಿ ದುಕ್ಕ್ ಕರುನಕಾಸಿ" ಮನುನ್ ಸಾಂಗ್ಲ್ಯಾನ್, ರುಬೆನಾಚೆ ಮನ್ ಮಾನಾ ತೆಕಾ ಬಾಬಾಕ್ಡೆ ನೆವ್ನ್ ಸೊಡುಚೆ ಮನುನ್ ಹೊತ್ತೆ. 23 ಖರೆ ಜುಜೆ ಯೆಲ್ಲ್ಯಾ ಮಾನಾ ತೆಚ್ಯಾ ಭಾವಾನಿ ತೆಕಾ ಧರುನ್ ತೆಚೊ ಝಗೊ ಕಾಡುನ್ ಘೆಟ್ಲ್ಯಾನಿ, 24 ಪಾನಿ ನಸಲ್ಲ್ಯಾ ಭಾಂಯಿತ್ ಉಕ್ಲುನ್ ಟಾಕ್ಲ್ಯಾನಿ.

25 ಮಾನಾ ತೆನಿ ಜೆವಾನ್ ಕರುಕ್ ಮನುನ್ ಬಸಲ್ಲ್ಯಾ ತನ್ನಾ ಜುಜೆ ಭಾಂಯಿತ್ ರ್‍ಹಾತಾ, ತೆನಿ ಡೊಳೆ ವರ್‍ತಿ ಕರುನ್ ಬಗ್ತಾನಾ, ಗಿಲ್ಯಾದಿಕ್ನಾ ಇಜಿಪ್ತಾಕ್ ಯಾಪಾರ್ ಕರುಕ್ ಮನುನ್ ಜಾವ್ಕ್ ಲಾಗಲ್ಯಾ ಇಸ್ಮಾಯೆಲಾಕ್ನಿ ಬಗ್ಲ್ಯಾನಿ, ಅನಿ ತೆಂಚ್ಯಾ ಒಂಟಿಯಾ ವೈನಿ ಬರ್‍ಯಾ ವಾಸೆಚೆ ತೆಲ್, ರಗತ್ಬೊಳ್, ಮಸಾಲ್ಯಾಚಿ ಸಾಮಾನಾ ಅನಿ ಕಿಮ್ತಿಚಿ ವಸ್ತಾ ನೆವ್ಕ್ಲಾಗಲ್ಲೆ. 26 ತನ್ನಾ ಜೆಹುದಾನ್ ಅಪ್ಲ್ಯಾ ಭಾವಾಕ್ನಿ, ಅಮಿ ಅಮ್ಚ್ಯಾ ಭಾವಾಕ್ ಜಿವಾನಿ ಮಾರ್‍ಲ್ಯಾರ್ ಅನಿ ತೆಚೆ ಮರಾನ್ ನಿಪ್ವುಲ್ಯಾರ್ ಅಮ್ಕಾ ಕಾಯ್ ಫಾಯ್ದೊ ಗಾವ್ತಾ? 27 ತೆಕಾ ಅಮಿ ಹ್ಯಾ ಇಸ್ಮಾಯೆಲಾಕ್ನಿ ಇಕುಂವಾ ಹೆಜ್ಯಾ ವೈನಾ ಅಮ್ಕಾ ಫಾಯ್ದೊ ಹಾಯ್ ಅನಿ ಅಮ್ಚ್ಯಾ ಭಾವಾಕ್ ಜಿವ್ ಕಾಡಲ್ಲೊ ಪಾಪ್ ಅಮ್ಚ್ಯಾ ವರ್‍ತಿ ರ್‍ಹಾಯ್ನಾ, ಮನುನ್ ಸಾಂಗ್ತಾನಾ ಸಗ್ಳ್ಯಾ ಭಾವಾನಿ ಒಪ್ಲ್ಯಾನಿ. 28 ಅನಿ ಮಿದ್ಯಾನಾಕ್ನಾ ಇಕುಕ್ ಜಾತಲೆ ಜಗ್ಗೊಳ್ ಯೆತಲೆ ಬಗುನ್, ತೆನಿ ಜುಜೆಕ್ ಭಾಂಯಿತ್ನಾ ವೈರ್ ಉಕ್ಲುನ್ ತೆಂಚ್ಯಾಕ್ನಾ ಇಸ್ ಚಾಂದಿಚೆ ಪೈಸೆ ಘೆವ್ನ್ ತೆಂಕಾ ಇಕ್ಲ್ಯಾನಿ, ಮಾನಾ ತ್ಯಾ ಯಾಪಾರಿಯಾನಿ ಜುಜೆಕ್ ಇಜಿಪ್ತಾಕ್ ದೆಸಾಕ್ ನ್ಹೆಲ್ಯಾನಿ.

29 ರುಬೆನ್ ತೆಂಚ್ಯಾ ಭಾವಾನಿ ಜುಜೆಕ್ ಇಕ್ತಲ್ಯಾ ಎಳಾರ್ ತೆಂಚ್ಯಾ ವಾಂಗ್ಡಾ ನತ್ತೊ, ಮಾನಾ ತೊ ಪರ್‍ತುನ್ ಜಾವ್ನ್ ಭಾಂಯಿಕ್ಡೆ ಬಗ್ತಾ ಅನಿ ಜುಜೆ ಥೈ ನತ್ತೆ ಬಗುನ್ ಅಪ್ನಾಚೆ ಕಪ್ಡೆ ಪಿಂಜುನ್ ಘೆವ್ನ್ ರಡುಲಾಲೊ. 30 ತನ್ನಾ ಅಪ್ಲ್ಯಾ ಭಾವಾಂಚ್ಯಾಕ್ಡೆ ಜಾವ್ನ್, "ತೊ ಝಿಲ್ಗೊ ಥೈ ನಾ ಅತ್ತಾ ಮಿಯಾ ಕಾಯ್ ಕರು ಮನುನ್?" ಇಚಾರ್‍ಲ್ಯಾನಿ.

31 ಅನಿ ತೆನಿ ಎಕ್ ಬಕ್ರ್ಯಾಕ್ ಕಾತ್ರುನ್ ತ್ಯಾ ರಗ್ತಾತ್ ಜುಜೆಚೊ ಝಗೊ ಬುಡ್ವುನ್ ಕಾಡ್ಲ್ಯಾನಿ. 32 ಮಾನಾ ತೊ ಝಗೊ ತೆನಿ ನೆವ್ನ್ ಅಪ್ಲ್ಯಾ ಬಾಬಾಕ್ ದಾಕ್ವುನ್, ಅಮಿ ಬಗಟಲ್ಲೊ ಹ್ಯೊ ಝಗೊ ಜುಜೆಚೆ ಕಾಯ್? ಮನುನ್ ಇಚ್ಯಾರ್ಲ್ಯಾನಿ.

33 ತನ್ನಾ ಬಾಬಾನ್ ತೊ ಝಗೊ ಬಗುನ್ ಒಳ್ಕುನ್ ಹೊಯ್, ಜುಜೆಚೊಚ್ ಝಗೊ ತೊ ಖಚ್ಚ್ಯಾ ಕ್ರುರ್ ಜನಾವರಾಚ್ಯಾ ತೊಂಡಾತ್ ಗಾವ್ಲೊ ಮಾಜೊ ಲೆಕ್ ಜುಜೆಕ್ ತುಕ್ಡೆ ತುಕ್ಡೆ ಕರುನ್ ಘಾಟ್ಲಾ ಕಾಯ್ಕಿ ಮನುನ್, 34 ಲೈ ದುಕ್ಕಾನ್ ಕಪ್ಡೆ ಪಿಂಜುನ್ ಘೆವ್ನ್ ಚಿಲಾಚೆ ಫಟೆ ಭಾಂದುನ್ ಘೆವ್ನ್ ತೆಜಾ ಲೆಕಾಚ್ಯಾ ಸಾಟ್ನಿ ಲೈ ದಿಸಾ ಪತರ್ಬಿ ರಡ್ಲ್ಯಾನ್. 35 ಮಾನಾ ಜಾಕೊಬಾಕ್ ತೆಚ್ಯಾ ಲೆಕಾನಿ ಅನಿ ಲೆಕಿಯಾನಿ ಸಮಾಧಾನ್ ಕರುಕ್ ಬಗ್ಲ್ಯಾನಿ ಖರೆ ಜಾಕೊಬಾಕ್ ಸಮಾಧಾನ್ ಹೊವ್ಕ್ ನಾ ಅನಿ, "ಮಿಯಾ ಮರಿ ಪತರ್ಬಿ ಮಾಜ್ಯಾ ಲೆಕಾಚ್ಯಾ ಸಾಟ್ನಿ ದುಕ್ಕಾತ್ ರ್‍ಹಾತಾ" ಮನುನ್ ಸಾಂಗ್ಲ್ಯಾನ್.

36 ಮಾನಾ ತ್ಯಾ ಮಿದ್ಯಾನ್ಯಾನಿ ಜುಜೆಕ್ ಇಜಿಪ್ತಾತ್ ಹೊತ್ತ್ಯಾ ಫರೊನ್ ರಾಜಾಕ್ ರಾಕ್ತಲೊ ಅಧಿಪತಿ ಪೊಟಿಫರ್ ಮನ್ತಲ್ಯಾಕ್ ಇಕ್ಲ್ಯಾನಿ.