1 Mose Kukũ Nɔnle 13

Ɔlaa Osĩ Ɔta Di Bayaa Bamba Kasumu Suoto

1 Nse ɔlaabuɛtɛtɛ ee alaafɔ kasɔ dikitɛ nsi di kamɛ lee, ɛɛbla lɛsaa le niɛbla ni ɔkpɛ ee dituosaa lewo, 2 di lɛsaa le niɛbla ni ɔkpɛ ee lɛblasaa nwu eebuɛ ni lɛwa kaanya, kafɔɔ eebuɛ alɛ, "Bita butikanko bayaa bamba" (bayaa ba bitatofo nii) ni bitabusumu ma yi," 3 bitannu ɔlaabuɛtɛtɛ ee kɔlaafɔ kasɔ dikitɛ nwu nkpo ɔlaa. SAATE Yaa lee nikɔsɔ ye annyu nse mimbɔmbɔ nwɔ ku otu lee omuu ku ɔkla lee omuu. 4 SAATE Yaa lee dikpeni bietakanko, lete nɔɔ kafɔɔ dikpeni biɛyɔ dibu biɛta. Bile afiofa nɔɔ, bienu nwɔ ɔlaa; bisumu nwɔ, bieklee nwɔ kpinkpĩ.