3 "Kaening nynh looh-ae kae sung zahmah
pawccemou nae muihpya khyh?
Zakaw kae sangsaku zahmah
pawccemou nae nypya khyh?" a ci hae.
Nanning nynh looh-ae na sung nin oh khe,
naemaw rynaw kha na rae oh zah,
nae ryalahtu hae balyn kha
na tuaa na sah oh.
4 Nanning nynh peku khylan,
ziaku khylan,
arysawthahpaw kuihlung te
thungku khylan looh-ae na sung oh.
Atunin looh-ae na sung tahaw oh paw
looh-ae sungnaw nynh tuh
nae roi kha ahangnaw kyate
thae thua lan khyh.
6 Kae nynh ka rypaw looh-aesungnaw tuh:
ahme leipaw khiikunaw kha supyapaw,
phupaw ripaw kha khahpyapaw,
tuaasahkunaw a teingpaw kha
luesahpaw te puihnawpaw ccong
miakaw khyapaw kha
thua khyh tou?
7 A vuelawpaw kha
na looh neethung buapaw,
inn a hoi leipaw ryachipaw kha
na inn lang thuakhaepaw,
a sasete a umpaw kha na muih ze,
boeining pyabuapaw te
na puizia hae sibia leipaw kha
thua khyh tou?58.7: Mat 25.35