Dingleinaw te Tuaasahkunaw kha Detahnaw
1 Dotua, Bawipaw kuih tuh
khum nawlan kharouh dyn khyh,
a nakaring tuh thae nawlan
kharouh pan khyh.
2 Nae hoyleinaw nynh nanning kha
nae Pachia kyate ae sawsaku oh,
nawthae khyh nawlan
nae seinaw nynh a mae kha
nanning kyate ccanglang a hawisah.
3 Pawccecize nae kuih tuh
chiise te nungsikuh zah,
nae kuihdung tuh hoyleinaw te
anungsikuh; nae munglae nynh
hynbya kha ho zah, nae lae nynh
hoyleinaw bya te a ccohku.
7 Mih ccu nynh hoyleinaw lang ccue zah,
seinaw a hoi leipaw kha
chia khylan a ccuenua hae;
mih tuanaw tuh ahoy leipaw
tuanaw thua zah, mih laanpi kya
riathaenaw te ronaw a um.59.7-8: Rom 3.15-17
8 Daenaw laanpi kha nyh khyh hae zah,
mih laanpi kya byading um khyh.
Mih laanpi kha akoupaw laanpi lang
a rae hae;
tuh-e laanpi a zuipaw miakaw tuh
daenaw kha nyh khyh.
20 Aning tuh Shawkhawtu hawte
Zion lang yn thua cih,
seinaw kyate a maeleihkuhpaw
Jakob ciihan hae kalan yn thua cih,
cite Bawipaw nynh a ci.59.20: Rom 11.26