Ahaz Siapharan kalan Isaiah Bya
1 Judah siapharan Uzziah ccapaw Jotham, Jotham ccapaw Ahaz siapharan ccyh lyakhe, Siria Siapharan Rezin te Israel siapharan Remaliah ccapaw Pekah Siapharan nynh Jerusalem kha rhawtuk khylan a ccianua thung hae, thuasalama lah kho khyh hae.7.1: 2Si 16.5; 2Sh 28.5-6 2 Siria ram tuh Efraim ryte a hokheih vae hae cipaw David phin hae nynh he a thae hae tuh, Ahaz thinlung te a ccungccaw hae thinlung tuh khisan nynh a hysahpaw ramkaw e thingku hae hawte a thyngkuh hae.
3 Tetuh Bawipaw nynh Isaiah kha hynhte a hopya, Na ccapaw Shear Jashub7.3 Shear Jashub cipaw tuh ccungccaw beihtaraw kyalya a kithui cih hae cinawpaw nynh thua. Byaria 10.12-22 kya mah do hin. ryte cceih oh lah, boeikua hae paw nynh rya a lawnaw hae hmin kalan a cceihpaw laanpi kya, palung lang e tuili nynh a luanaw tuizy athangnaw kyakhe Ahaz siapharan khate la tungkuh oh, 4 te amaw kha, Raeringkuh lah, lungdaete um, rih nan; Siria Siapharan Rezin te Remaliah ccapaw tuh myarya mih thinria zemah na lungthawthah nan sah, cite na hopah cih; minmin tuh maee a u cciamangpaw ccungmuing ccangning nynh thua hae. 6 Judah kha ccianua oh sih lah, Jerusalem kha rote tae oh sih, te tuin kyakhe Tabeel ccapaw kha siapharan lang nung oh sih, a ciku hae.
9 Efraim lu tuh Samaria thua zah,
Samaria lu tuh Remaliah ccapaw nynh thua.
Zynnaw kya tynkaring lan na thadyn khyh ze,
papinmaw na tyn lan khyh, a ci.
12 Ahaz nynh, ka ngia lan khyh, Bawipaw kha ka syntawtua lan khyh, a cipya. 14 Tukeiccuze Bawipaw amaw ccaccei nynh nanning kha muihsahnaw ae pya cih oh. Dotua oh, liaccady nynh ccaawpoi zah ccapaw a saah cih, a min tuh Immanuel7.14 Immanuel asuilan tuh Pachia kaening ryte a um cipaw nynh thua. cite a phu cih hae.7.14: Mat 1.23 16 Tuh-e imua nynh ahoy leipaw kha vua te ahoypaw kha pokupaw a ny mawkhe, nang nynh na ripaw siapharan lu ning hae ram tuh poutaw athua cih.