Deuteronômio 21

Hadokee Ajajemabaaka Belto

18 Mitti manjichchi anni yookaan ama hitaaxxa laqabaaka, xinxeexxe kaddoolenna baratabaaka gooba micciirakaanna jallichcha belto afo’oole, 19 anni isikinna ama isixxi ookkonee belto aa’neexxi insa’ne he’na’neeke qachchixxe huddumme’ni hexxeexxe geedheba’a idangowwaal. 20 Insa’nenna, «Kunni no’ok belti gooba miciidhdhaakenna jallichaken; hineenexxanna laqaakebaan; ha’wallokenna fooggalaken» hineexxi eettene geedhe’n kullowwaal. 21 Ookkonechchi uduma ookkone qachchik labballi duuchchi reyaa qico’n iso’oo kinot cancaqowwaal; tennee assiyyotinna fuggo ha’noxxe oddonaa’n fugusse; Isira’eeli’n hedheek duuchchinna tennee laqeexxi sodaataan.