13 તમે મારું અંતઃકરણ ઘડ્યું છે;

મારી માતાના ઉદરમાં તમે મારી રચના કરી છે.

14 હું તમારો આભાર માનીશ,

કેમ કે તમારાં કાર્યો અદ્દભુત અને આશ્ચર્યજનક છે.

તમે મારા જીવન વિષે સઘળું જાણો છો.

15 જ્યારે મને અદ્રશ્ય રીતે રચવામાં આવ્યો,

જ્યારે પૃથ્વીના ઊંડાણોમાં વિવિધ કરામતથી મને ગોઠવવામાં આવ્યો,

ત્યારે પણ મારું શરીર તમારાથી અજાણ્યું ન હતું.

16 ગર્ભમાં પણ તમે મને નિહાળ્યો છે;

મારું એકે અંગ થયેલું ન હતું, ત્યારે તેઓ સર્વ,

તેમ જ તેઓના ઠરાવેલા સમયો તમારા પુસ્તકમાં લખેલા હતા.