ગીતશાસ્ત્ર 19

સૃષ્ટિમાં પ્રગટતો પ્રભુમહિમા

1 આકાશો ઈશ્વરનો મહિમા પ્રગટ કરે છે

અને અંતરિક્ષ તેમના હાથનું કામ દર્શાવે છે!

2 દિવસ દિવસને તેમના વિષે કહે છે;

રાત રાતને તેમનું ડહાપણ પ્રગટ કરે છે.

3 ત્યાં વચન નથી અને શબ્દો પણ નથી;

તેઓની વાણી સંભાળતી નથી.

4 તેઓનો વિસ્તાર આખી પૃથ્વીમાં છે

અને જગતના છેડા સુધી તેઓની સાક્ષી ફેલાયેલી છે.

તેઓમાં ઈશ્વરે સૂર્યને માટે મંડપ ઊભો કર્યો છે.

5 સૂર્ય પોતાના ઓરડામાંથી નીકળતા વરરાજા જેવો છે

અને તે બળવાન માણસની જેમ પોતાની શરત દોડવામાં આનંદ માને છે.

6 તે આકાશને એક છેડેથી નીકળી આવે છે

અને તેના બીજા છેડા સુધી પરિક્રમણ કરે છે;

તેની ઉષ્ણતા પામ્યા વિના કોઈ બાકી રહી જતું નથી.

પ્રભુનો નિયમ

7 યહોવાહના નિયમો સંપૂર્ણ છે, તે આત્માને તાજગી આપે છે;

યહોવાહની સાક્ષી વિશ્વાસપાત્ર છે, તે ભોળાને બુદ્ધિમાન કરે છે.

8 યહોવાહના વિધિઓ યથાર્થ છે, તેઓ હૃદયને આનંદ આપે છે;

યહોવાહની આજ્ઞાઓ નિર્મળ છે, જે આંખોને પ્રકાશ આપે છે.