ગીતશાસ્ત્ર 51

4 તમારી, હા, તમારી જ વિરુદ્ધ મેં પાપ કર્યું છે

અને જે તમારી દ્રષ્ટિમાં ખરાબ છે તે મેં કર્યું છે;

તેથી જ્યારે તમે બોલો, ત્યારે તમે ન્યાયી ઠરો;

અને તમે ન્યાય કરો, ત્યારે તમે નિર્દોષ ઠરો.

5 જુઓ, હું અન્યાયીપણામાં જન્મ્યો હતો;

મારી માતાએ પાપમાં મારો ગર્ભ ધારણ કર્યો હતો.

6 તમે તમારા હૃદયમાં અંત:કરણની સત્યતા માગો છો;

મારા હૃદયને તમે ડહાપણ શીખવશો.

7 ઝુફાથી મને ધોજો એટલે હું શુદ્ધ થઈશ*51:7 તમે મને મારા પાપોથી શુદ્ધ કરો છો;

મને નવડાવો એટલે હું હિમ કરતાં સફેદ થઈશ.

8 મને હર્ષ તથા આનંદ સંભળાવો

એટલે જે હાડકાં તમે ભાંગ્યાં છે તેઓ આનંદ કરે.

9 મારાં પાપ તરફ નજર ન કરો

અને મારા સર્વ અન્યાય ક્ષમા કરો.