Salmos 78

4 યહોવાહનાં સ્તોત્ર, તેમનું સામર્થ્ય

તથા તેમનાં કરેલાં આશ્ચર્યકારક કામો આવતી પેઢીને જાહેર કરીને

તેઓના વંશજોથી આપણે તે સંતાડીશું નહિ.

5 કારણ કે તેમણે યાકૂબ સાથે તેમનો કરાર કર્યો

અને ઇઝરાયલમાં નિયમ ઠરાવ્યો.

તેમણે આપણા પૂર્વજોને આજ્ઞા કરી

કે તેઓ પોતાનાં બાળકોને પણ શીખવે.

6 જેથી આવતી પેઢીનાં જે બાળકો જન્મે તેઓ તે જાણે,

તેઓ મોટાં થઈને પોતાનાં સંતાનોને તે જણાવે, માટે તેમણે આજ્ઞા આપી છે.

7 જેથી તેઓ સહુ ઈશ્વરની આશા રાખે

અને તેમનાં અદ્દભુત કાર્યોને વીસરી જાય નહિ,

પણ તેમની આજ્ઞાઓને પાળે.