ગીતશાસ્ત્ર 95

પ્રભુનો જયજયકાર

1 આવો, આપણે યહોવાહની સમક્ષ ગાઈએ;

આપણા ઉદ્ધારક ખડકની આગળ હર્ષનાદ કરીએ.

2 આભારસ્તુતિ સાથે તેમની હજૂરમાં આવીએ;

આવો આપણે ગીતોથી તેમની સમક્ષ હર્ષનાદ કરીએ.

3 કારણ કે યહોવાહ મહાન ઈશ્વર છે

અને તે સર્વ દેવો પર મોટા રાજા છે.

4 તેમનાં હાથમાં પૃથ્વીનાં ઊંડાણો છે;

પર્વતોનાં શિખરો પણ તેમનાં છે.

5 સમુદ્ર તેમનો છે, કેમ કે તેમણે તે બનાવ્યો છે

અને તેમના હાથોએ કોરી ભૂમિ રચી.

6 આવો, આપણે તેમની સ્તુતિ કરીએ અને નમીએ;

આવો આપણે આપણા કર્તા યહોવાહની આગળ ઘૂંટણિયે પડીએ.