1 Samuel 17

45 Devid oben oPhilistiyanọng nwo bẹ́, "Kọ atim ọkkangkkang ọmaana ọkọhn akwu bẹ́, arim-m ábẹ̀, okenaka, kaam nkwu bẹ́, nrim-ọ ábẹ̀ k’eche ch’Ọvaar Ibinọkpaabyi kw’Ẹfa maphyir, kw’ode Ibinọkpaabyi kw’agbongnọng p’Israẹl, kw’alukọ. 46 Menda nwa, Ọvaar Ibinọkpaabyi m’ọtọk-ọ oke-m k’mbọhk. Kaam m’mfhọ-ọ, mpọ-ọ eso, ntọka aforbukọ p’agbongnọng p’Philistiya nnang ọnọhn f’iwokọ, ọttara nten s’ẹgba. Ayagbin maphyir mazonga bẹ́, Ibinọkpaabyi oning z’Israẹl. 47 Anọng maphyir p’attong ma m’azonga bẹ́, ọkkangkkang ọmaana ọkọhn azang f’Ọvaar Ibinọkpaabyi od-otima ọkkaana anọng. Ọvaar Ibinọkpaabyi wọ oyen egbong. M’ọtọka bọnga maphyir, oke mina k’mbọhk."