1 Venava ndi vana va Nuhu. Shemu na Hamu na Yafeti, ndi vevavaveliki vana pegamaliki manji gamahele gegagubiki mulima.

2 Vana va Yafeti ndi Gomeli, Magogu na Madai na Yavani na Tubali na Meshaki na Tilasi. 3 Vana vagosi va Gomeli ndi Ashikenazi na Lifati na Togama. 4 Vana vagosi va Yavani ndi Elisha na Tashishi na Kitimu na Lodanimu. 5 Vandu voha vevitama kumbwani vahumili ndava ya vandu ava, kila vandu na kujova kwavi, kwa likabila lavi na kulandana na milima yavi.

6 Vana vagosi va Hamu ndi Kushi na Misili na Putu na Kanaani. 7 Vana vagosi va Kushi ndi Seba na Havila na Sabita, Laama na Sabiteka. Vana vagosi va Laama ndi Sheba na Dedani. 8 Kushi dadi wa Nimlodi, mweavili mtovanaji mtumbulanu mweanamakakala pamulima. 9 Avii mlumba mkekesi palongolo ya Bambu, "ngati vandu chevijova kuvya Nimlodi ndi mlumba mkekesi palongolo ya Bambu!" 10 Miji ya kutumbula kulongosa kwaki ndi Babeloni na Eleki na Akadi na Kaline kumulima wa Shinali. 11 Kuhuma ku mulima wenuwo akahamba ku Ashulu ajengili Ninawi na Lehoboh Ili na Kala, 12 na Leseni, weuvii pagati ya Ninawi na Kala, wenuwo ndi wavii mulima uvaha.

13 Misili avii gogo wa Valudi na Vaanamu na Valehabi na Vanafutuhi. 14 Vapatulusi na Vakasiluhi, kwenuko ndi kwevahumili Vafilisiti na Vakafutoli.

15 Kanaani akamveleka Sidoni, mvelekanu waki wa utumbula na Heti, 16 na mewa gogo wavi Vayebusi na Vaamoli na Vagiligashi, 17 Vahivi na Vaaliki na Vasini, 18 Vaalivadi na Vasemali na Vahamati. Mwanakandayi lukolo lwa Vakanaani lukapechengana, 19 na mibaka ya Kanaani yatandasiki kuhuma Sidoni kuhamba ku Gelali mbaka ku Gaza, kangi kuhamba ku Sodoma na Gomola na Adima na Seboimu mbaka ku Lasha. 20 Venavo ndi vachiveleku va Hamu, kulandana na makabila gavi na luga zavi na milima yavi.

21 Shemu, mlongo mvaha wa Yafeti, ndi avii dadi wa Vaebulania voha. 22 Vana vagosi va Shemu ndi Elamu na Ashulu, Alifakisadi na Ludi na Alamu. 23 Vana vagosi va Alamu ndi Usi na Huli na Geseli na Mashi. 24 Alifakisadi akamveleka Sela na Sela akamveleka Ebeli. 25 Abeli akaveleka vana vagosi vavili, mtumbulanu lihina laki Pelegi, muni palukumbi lwenulo vandu mulima vapechenganiki, na mweigekela ndi Yokitani. 26 Yokitani akavaveleka Alumodadi na Shelefu na Hasalumawesi na Yela, 27 Hadolamu na Uzali na Dikila, 28 Obali na Abimaeli na Sheba, 29 Ofili na Havila na Yobabu. Venavo voha ndi vana va Yokitani. 30 Mulima wevatamili wavi kuhuma Mesha mbaka Sefali mulima weuna hitumbi yehivili kwelihumila lilanga. 31 Venavo ndi viveleku vya Shemu, kulandana na makabila gavi, luga zavi, milima yavi na vandu vavi.

32 Venavo ndi viveleku vya vana va Nuhu, kulandana na viveleku vyavi na milima yavi. Ndava ya venavo, vandu vakadandasika pamulima woha manji gamahele pegamaliki.