21 ଆରେ, ଏନ୍ ଇ ମାନାୟାର୍ ବିତ୍ରେତାଂ କାମାୟ୍ଆଡ୍ନାକାନ୍, ଇଚିସ୍, ପର୍ମେସ୍ୱର୍ କାଜିଂ ପାଣ୍ଡ୍ରାନାକାନ୍, ହାତ୍ପାନିକାନ୍ ଆରି ଅନ୍ୟାୟ୍ ଲାବ୍ ଗିଣ୍କିନାକାନ୍ ମାନାୟ୍ତିଂ ବାଚି କିୟା; ଆରେ, ହେୱାରିଙ୍ଗ୍ ମାନାୟାର୍ ଜପି ହାଜାର୍ ମୁଡ଼୍ଦାକନ୍, ସଏ ମୁଡ଼୍ଦାକାନ୍, ପଚାସ୍ ମୁଡ଼୍ଦାକାନ୍ ଆରି ଦସ୍ ମୁଡ଼୍ଦାକାନ୍ ଲାକେ ବାଚି କିୟା । 22 ହେୱାର୍ ସବୁୱେଡ଼ାଙ୍ଗ୍ ମାନାୟାର୍ତି ବିଚାର୍ କିଏନ୍, ଆରେ, ଇମ୍ଣାକାପା ଗାଜା କାତା ଆତିସ୍ ନି ଲାଗାୟ୍ ତାହିୱାନାର୍, ମତର୍ ହାରୁ କାତା ଆତିସ୍ ହେୱାର୍ ଜାର୍ ବିଚାର୍ କିନାର୍, ତା ଆତିସ୍ ନିଦାଂ ନିଜ୍ କାମାୟ୍ ଉସାସ୍ ଆନାତ୍, ଆରେ, ହେୱାର୍ ନି ଲାହାଂ ବଜ୍ ପିଣ୍ଡ୍ନାର୍ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)