ମସାଂ କାବାଆନି ସାକ୍ତି ହିତାନ୍
1 ଇବେ ମସା ଉତର୍ ହିତାନ୍, "ହୁଡ଼ାଟ୍, ହେୱାର୍ ନାଙ୍ଗେଙ୍ଗ୍ ପାର୍ତି କିଦୁର୍ ଆରେ ନା ଆଲାନାକା ମାନ୍ ଦିୟାନ୍ କିଉର୍; ମାତର୍ ହେୱାର୍ ଇନାର୍, ନିତ୍ରେମାପ୍ରୁ ମିଙ୍ଗେଙ୍ଗ୍ ଦର୍ସନ୍ ହିଦ୍ୱାତାତ୍ନା ?"
2 ଲାଗିଂ ନିତ୍ରେମାପ୍ରୁ ହେୱାନିଂ ଇଚାନ୍, "ନି କେଇଦ ଇନାକା ମାନାତ୍ ?" ହେୱାନ୍ ଇଚାନ୍, "ବାଡ୍ଗା ।" 3 ପାଚେ ନିତ୍ରେମାପ୍ରୁ ଇଚାନ୍, "ହେଦିଲିଂ ମେଦ୍ନିତ ତୁହିଆ ।" ଲାଗିଙ୍ଗ୍ ହେୱାନ୍ ମେଦ୍ନିତ ତୁହିତିଲେ, ହେଦାଂ ରାଚ୍ ଆତାତ୍; ଲାଗିଂ ମସା ତା ଆଗେତାଂ ହନ୍ତାନ୍ । 4 ହେଏଚେକାଡ଼୍ଦ ନିତ୍ରେମାପ୍ରୁ ମସାଂ ଇଚାନ୍, ହେୱାର୍ତି ଆକର୍ଦାଦିର୍ ନିତ୍ରେମାପ୍ରୁ ପର୍ମେସ୍ୱର୍, ଇଚିସ୍ ଅବ୍ରାହାମ୍ତି ପର୍ମେସ୍ୱର୍, ଇସ୍ହାକ୍ତି ପର୍ମେସ୍ୱର୍ ଆରି ଜାକୁବତି ପର୍ମେସ୍ୱର୍ ଜେ ନିଙ୍ଗ୍ ଦର୍ସନ୍ ହିତ୍ତାନ୍ନା, ଇଦାଂ ଇନେସ୍ ପାର୍ତି କିନାର୍, 5 ଇଦାଂକାଜିଂ ଜାର୍ କେଇ ଲାମାୟ୍ କିଜ଼ି ତା ନିଙ୍ଗୁଣ୍ତ ଆହା; ତାପାଚେ ମସା କେଇ ଲାମାୟ୍କିଜ଼ି ତାଙ୍ଗ୍ ଆସ୍ତିଲେ, ତା କେଇଦ ହେଦାଂ ବାଡ଼୍ଗା ଆତାତ୍ । 6 ଇଦାଂପାଚେ ନିତ୍ରେମାପ୍ରୁ ତାଙ୍ଗେଙ୍ଗ୍ ଆରେ ଇଚାନ୍, "ଏପ୍ ଜାର୍ କେଇ ନେଞ୍ଜେଡ଼ାକିତ ହିଆ ।" ହେବେ ହେୱାନ୍ ଜାର୍ କେଇ ନେଞ୍ଜାଡାକିତ ଇଡ଼ିଜି ଆରେ କେଇ ହପ୍ତାତାନ୍, ହୁଡ଼ାଟ୍, ତା କେଇ ଆଞ୍ଜ୍ଗା ଲାକେ ଗାଉ ଡ଼ିଞ୍ଜ୍ନି ଲାକେ ଚଞ୍ଚାତ୍ । 7 ଇବେଣ୍ଡାଂ ହେୱାନ୍ ଇଚାନ୍, "ଏପେଙ୍ଗ୍ ଆରେ ଜାର୍ କେଇ ନେଞ୍ଜେଡ଼ାକିତ ଇଟା; ହେୱାର୍ ଜଦି ନିଙ୍ଗେଙ୍ଗ୍ ପାର୍ତି କିଦୁର୍ 8 ଆରେ ନି ପର୍ତୁମ୍ ଚିନ୍ତ ମାନ୍ଦିଆନ୍ କିୱିତିସ୍, ୱାଟିଂ ଆରେର ଚିନ୍ତ ପାର୍ତି କିନାର୍ । ହେବେ ହେୱାନ୍ ଆରେରଗ ଜାର୍ କେଇ ନେଞ୍ଜେଡ଼ାକିତ ଇଡ଼୍ଜି ହପ୍ତାତାନ୍, ହୁଡ଼ାଟ୍, ହେଦାଂ ହାତ୍ପା ଜେଇ ଆତାତ୍ । 9 ଇ ରିଣ୍ଡାଂ ଚିନ୍ତ ଜଦି ହେୱାର୍ ପାର୍ତି କିଉର୍ ଆରି ମି ଆଲାନାକା ମାନ୍ଦିଆନ୍ ୱେନୁର୍, ୱାଟିଂ ଏପ୍ ଜଡ଼ିତାଂ ଏଜ଼ୁଙ୍ଗ୍ ଇଚୁଙ୍ଗ୍ ଅଜ଼ି ୱାଚି ବୁମିତ ୱାକା; ହେବେଣ୍ଡାଂ ଏପେଙ୍ଗ୍ ନିଲ ନାଗୁଡ଼୍ତାଂ ଇମ୍ଣି ଏଜ଼ୁଂ ତାହିୱାନାଦେର୍, ହେଦାଂ ୱାଚ୍ଚି ବୁମିତ ନେତେର୍ ଆନାତ୍ ।" 10 ଇଦାଂପାଚେ ମସା ନିତ୍ରେମାପ୍ରୁଙ୍ଗ୍ ଇଚାନ୍, "ଏ ମାପ୍ରୁ, ଇ ସମୁ ଆଗେ, କି ଜାର୍ ଆଡ଼ିଏନ୍ ଲାହାଂ ବେଣ୍ବାଟ୍ କିତି ପାଚେ ନେ ଆନ୍ କାତାକୱା ଆକାୟ୍, ମତର୍ ଆନ୍ ବଚନ୍ତ କାଲେତାଂ ଆରି ତତ୍ଲାତଂ ।" 11 ହେବେ ନିତ୍ରେମାପ୍ରୁ ହେୱାନିଙ୍ଗ୍ ଇଚାନ୍, "ମାନାୟ୍ତି ୱେଇ ଇନେର୍ ରଚ୍ଚାର୍ଣ୍ଣା ? ଆରେ, ମାନାୟାର୍ତି ଗୁଲା କି ବଇରା କି କାଣ୍ଗା କି କାଣା ଇନେର୍ କିନାର୍ ? ଆନ୍ ନିତ୍ରେମାପ୍ରୁତଙ୍ଗ୍ କି ହେଦାଂ କିଉଙ୍ଗ୍ ? 12 ଲାଗି ନଗୟ୍ ହାଲା, ଆନ୍ ନି ୱେଇନି ହାଂ ଆଜ଼ି ୱେଚ୍ନି କାତା ନିଙ୍ଗେଙ୍ଗ୍ ହିକାୟ୍କିଦ୍ନାଙ୍ଗ୍ ।"
13 ହେବେ ହେୱାନ୍ ଇଚାନ୍, "ଏ ମାପ୍ରୁ, ଆନ୍ ଗୱାରି କିଦ୍ନାଙ୍ଗା, ଇନେର୍ ହୁଦାଂ ପକ୍ନାକା ଆନାତ୍, ତା ହୁଦାଂ ପକା ।" 14 ହେବେଣ୍ଡାଂ ମସା କାଜିଙ୍ଗ୍ ନିତ୍ରେମାପ୍ରୁତି ରିସା ଆଦିକ୍ ଆତାତ୍; ଲାଗିଙ୍ଗ୍ ହେୱାନ୍ ଇଚାନ୍, "ଲେବି ହାରଣ ଇନାକା ନି ଟଣ୍ଡେନ୍ ଆକାୟ୍ ? ଆନେଙ୍ଗ୍ ପୁନାଙ୍ଗ୍, ହେୱାନ୍ ହାର୍ଦି ବେଣ୍କାର୍ଆ । ଆରେ ହୁଡ଼ାଟ୍, ହେୱାନ୍ ନି ଲାହାଂ ମେହାଆଦେଂ ୱାନାନା; ଆରେ, ନିଙ୍ଗ୍ ହୁଡ଼ୁଜି ୱାରିୟା ଆଦ୍ନାନ୍ । 15 ଏନ୍ ହେୱାନିଙ୍ଗ୍ ଇନାୟ୍ ଆରି ତା ୱେଇଦ ବଚନ୍ ହିନାୟ୍; ଆରେ, ଆନ୍ ନି ୱେଇନି ଆରି ହେୱାନ୍ ୱେଇନି ହାଂ ଆଜ଼ି ମିଂ କିତି କାରୁମ୍ନି ହିକ୍ୟା ହିଦ୍ନାଙ୍ଗ୍ । 16 ହେୱାନ୍ ମାନାୟାର୍ ଲାଗେ ମି ମାଦ୍ଣି ବେଣ୍କାର୍ଆ ଆଦ୍ନାନ୍; ହେୱାନ୍ ମି ୱେଇ ଲାକେ ଆନାଦେର୍ ଆରେ ଏପ୍ ହେବେନି ପର୍ମେସ୍ୱର୍ ଲାକେ ଆନାୟ୍ । 17 ଆରେ ଏନ୍ ଜାର୍ କେଇଦାଂ ଇ ବେଡ଼୍ଗା ଅୱା, ଲାଗିଂ ଇଦାଂ ହୁଦାଂ ଏନ୍ ଇ ସବୁ ଚିନ୍ ଚଚ୍ନାୟ୍ ।"
ମସା ମିସର୍ତ ୱାତାନ୍
18 ଇଦାଂପାଚେ ମସା ଜାର୍ ପତ୍ଲେହି ଜିତ୍ର ଲାଗେ ହାଲ୍ଜି ଇଚାନ୍, "ଆନେଙ୍ଗ୍ ଗୱାରି କିଦ୍ନାଙ୍ଗା, ମିସର୍ନି ନା ଟଣ୍ଡାର୍ ତାକେ ନଙ୍ଗୟ୍ ହାନି କାଜିଂ ଆରେ ହେୱାର୍ ନେଜେଙ୍ଗ୍ ପାତେକ୍ ଜିତାର୍ଣ୍ଣା କି ଆକାୟ୍, ତାଙ୍ଗେଙ୍ଗ୍ ହୁଡ଼୍ଦେଂ କାଜିଂ ନାଙ୍ଗେଙ୍ଗ୍ ପିସ୍ତି ହିଦା" ତାପାଚେ ଜିତ୍ର ମସାଙ୍ଗ୍ ଇଚାନ୍, "ବିୱାହିଂ ହାଲା ।" 19 ଆରେ ନିତ୍ରେମାପ୍ରୁ ମିଦିୟନର୍ ତାକେ ମସାଙ୍ଗ୍ ଇଞ୍ଜି ମାଚାନ୍, "ଏନେଙ୍ଗ୍ ମିସର୍ ତାକେ ହାଲା; ଇନାକିଦେଂକି ଇମ୍ଣି ମାନାୟାର୍ ନିଂ ପାରାଣ୍ ଡେକ୍ଚି ମାଚାର୍, ହେୱାର୍ ୱିଜ଼ାକାର୍ ହାତାର୍ନା ।" 20 ପଚେ ମସା ଜାର୍ ଡ଼କ୍ରୁହିଂ ଆରି ମାଜ଼ିରିଂ ଗଦ ଜପି ଦୁପ୍ଚି ମିସର୍ ଦେସ୍ତ ମାସ୍ଦି ହାଚାର୍; ଆରେ, ହେୱାନ୍ ଜାର୍ କେଇଦ ପର୍ମେସ୍ୱର୍ତି ହେ ବେଡ଼୍ଗା ଅତାନ୍ । 21 ଇଦାଂପାଚେ ନିତ୍ରେମାପ୍ରୁ ମସାଙ୍ଗ୍ ଇଚାନ୍, "ଜାଗ୍ରତ୍, ଏପେଙ୍ଗ୍ ମିସର୍ ତାକେ ମାସ୍ଦି ହାଚିସ୍, ଆନେଙ୍ଗ୍ ମି କେଇଦ ଇନାକା ସବୁ କାବା କାମାୟ୍ କିନାକା ହିତ୍ତାପ୍ନା, ହେଦାଂ ପାର ମୁମ୍ଦ କିନାୟ୍; ମତର୍ ଆପ୍ ତା ମାନ୍ ଆଟ୍ୱା କିନାପ୍; ପାଚେ ହେୱାନ୍ ମାନାୟାରିଂ ହାଞ୍ଜେଙ୍ଗ୍ ହିଉନ୍ ।" 22 ଲାଗ୍, ଏପେଙ୍ଗ୍ ପାରଙ୍ଗ୍ ଇନାଦେର୍, ନିତ୍ରେମାପ୍ରୁ ଇନାନ୍, ଇସ୍ରାଏଲ୍ ମା ମାଜ଼ି; ମା ପାଣ୍ୱା ମାଜ଼ି; 23 ଆନେଙ୍ଗ୍ ମିଙ୍ଗେଙ୍ଗ୍ ଇଞ୍ଚାଙ୍ଗ୍ନା, ମାଂ ହେବା କିନି କାଜିଙ୍ଗ୍ ଏନେଙ୍ଗ୍ ମା ମାଜ଼ିରିଂ ପିସ୍ତି ହିଦା; ମାତର୍ ଏନେଙ୍ଗ୍ ହେୱାରିଂ ପିସ୍ତି ହିଦୁୟା; ହୁଡ଼ା, ଆପେଙ୍ଗ୍ ନି ମାଜ଼ିଂ, ମି ପାଣ୍ୱା ମାଜ଼ିଂ ଅହ୍ନାପ୍ ।
24 ଇଦାଂପାଚେ ଦାରା କାଲ୍ଦାଂ ଜମ୍ନି ଇଞ୍ଜ ନିତ୍ରେମାପ୍ରୁ ତାଙ୍ଗେଙ୍ଗ୍ ହୁଡ଼ୁଜି ଅସ୍ତେଙ୍ଗ୍ ସେସ୍ଟା କିତାର୍ । 25 ହେୱାଡ଼ାଂ ସିପ୍ପରା ରଞ୍ଜାଙ୍ଗ୍ ଦାରା କାଟାକା ଅସ୍ତର୍ ଅଜ଼ି ଜାର୍ ମେହିଙ୍ଗ୍ ସୁନତ୍ କିଜ଼ି ତା ତାରେନ୍ ଇଡ଼ିଜି ଇଚାନ୍, "ଏନେଙ୍ଗ୍ ହାତେନେ ନା ନେତେର୍ନି ଆଣ୍ଡ୍ରେନ୍ତି ।" 26 ଇଦାଂକାଜିଂ ପର୍ମେସ୍ୱର୍ ତାଙ୍ଗେଙ୍ଗ୍ ପିସ୍ତି ହିତାନ୍ । ତାପାଚେ ହେ କଗ୍ଲେ ଇଚାତ୍, "ସୁନତ୍, ଏନେଙ୍ଗ୍ ନେତେର୍ନି ଆଣ୍ଡ୍ରେନ୍ତି ।"
27 ଇଦାଂପାଚେ ନିତ୍ରେମାପ୍ରୁ ହାରଣଂ ଇଚାନ୍, "ଏନେଙ୍ଗ୍ ମସା ହୁଦାଂ ମେହାଆନି କାଜିଂ ବାଟାତ ହାଲା ।" ପାଚେ ହେୱାନ୍ ହାଲ୍ଜି ପର୍ମେସ୍ୱର୍ତି ମାଡ଼ିତ ତା ହୁଦାଂ ମେହାଆଜ଼ି ତାଙ୍ଗେଙ୍ଗ୍ ଡନ୍ଞ୍ଚାନ୍ । 28 ହେଏଚେକାଡ଼୍ଦ ମସା ନିତ୍ରେମାପ୍ରୁତି ତାକେ ପକ୍ୟାତାକାର୍ ସବୁ ବଚନ୍ ଆରି ହେୱାନ୍ତି ବଲ୍ ହିତାକା ସବୁ ଚିନ୍ ହାରଣତିଂ ୱେଚ୍ଚାନ୍ । 29 ଇଦାଂପାଚେ ମସା ଆରି ହାରଣ ହାଲ୍ଜି ଇସ୍ରାଏଲ୍ ବୁଡ଼ାଲୁରିଂ ରବେ କିତାର୍ । 30 ଆରେ, ହାରଣ ହେୱାରିଂ ମସା କାଜିଙ୍ଗ୍ ନିତ୍ରେମାପ୍ରୁତି ସବୁ ବଚନ୍ ୱେଚ୍ଚାନ୍, ଆରେ, ମାନାୟାର୍ ନଞ୍ଜର୍ତ ହେ ଚିନ୍ ଚଚ୍ଚାର୍ । 31 ହେବେଣ୍ଡାଂ ମାନାୟାର୍ ପାର୍ତି କିତାର୍, ଆରେ, ନିତ୍ରେମାପ୍ରୁ ଇସ୍ରାଏଲ୍-ମାଜ଼ିରିଂ ଜାତୁନ୍ ଅସି ହେୱାର୍ତି ଦୁକ୍ ହୁଡ଼୍ତାନ୍ନା, ଇଦାଂ ୱେନ୍ଜି ହେୱାର୍ ତାଙ୍ଗେଙ୍ଗ୍ ତାରେନ୍କାପ୍ଡ଼ା କିଜ଼ି ପାର୍ତନା କିତାର୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)