1 Iyi ni imigani ya Salomo, mwene Dawidi, umwami wa Isirayeli.

2 Intumbero y’iyi migani ni ukwigisha abantu ubwenge no kubatoza indero,

no kubafasha gutahura amajambo y’ubwenge.

3 Yigisha abantu kugira ubwenge bwo kuroranya ibintu mu buzima,

bagakora ibigororotse, ibitunganye n’ibibereye.

4 Iyo migani yigisha ubwenge abazi bike,

abakiri bato ikabaha ubumenyi bwo guserangura.

5 Umunyabwenge niyumve iyi migani, yongereze ubumenyi,

uwufise ubuseranguzi aronke ukurongorwa,

6 kugira ngo atahure iyi myibutsa n’iyi migani,

amajambo y’abanyabwenge n’amabanga yayo.

7 Ukwubaha Uhoraho ni kwo tanguriro ry’ubwenge,

ariko ibipfu bikengera ubwenge n’ugutozwa indero.