1 Ke isua e-ekamba adaiso ekọñ, Saakọn, a-adidem Asiria akedọññọ akediighe Asdọd adinwana anyʌñ adat anye, 2 Abọọñ amaatañ ikọ ato inua Aisaiya ayịn Emọs, ate "Sio afọñikpo ke idem mfo ye ikpaukod ke ukod mfo." Anye amaanyʌñ anam ntoro, asaña ifed ye ñkaña ukod.

3 Akem Abọọñ amaabo ate, "Kpa naña Aisaiya ayịnutom mmi asaña ifed isịneke ikpaukod ke isua ita, nte idiọọñọ adiwọt nsobo a-adiighe abịne Iyib ye Kuus, 4 kpa ntoro ke adidem Asiria adiikoono nditọ Iyib ekeduọññọke ke ekọñ ye nditọ ntañmfeb Kuus ifed, isịneke ikpaukod, ntək-ntək ye ikpọ, efʌd abono inwañ, nọ abuud amʌm Iyib. 5 Mbon e-ekenieghe mbuọdidem ke Kuus enyʌñ enam inua ke Iyib eyaekop abuud ye asuenne. 6 Ke usen ado mbon e-edʌññọ ke mben mmọọñ umi eyaebo, ‘Se sitịppe inọ mbon a-ñnyịn ikidotto anyen ke idem ammọ, mbon a-ñnyịn ikifeeñeke ibịne ibo yak inọ unwam enyʌñ inyaaña ñnyịn esio ke ubọk adidem mbon Asiria! Ñnyịn idiinam die ibọkkọ?’ "