1 Isịkke idi, ndufo mme idịd, inyʌñ ikpañ utọñ;

inekke itịñ anyen, ndufo mme idịd!

Yak isọñ akop, ye afịd se idọñọ ke esịd,

ederimbod, ye afịd se ito esịd iwuọ!

2 Abọọñ a-ayat esịd ye afịd mme idịd;

iyadesịd amọ adoro afịd mbonekọñ ammọ ke idem.

Anye ayaasobo ammọ ataa afịd-afịd,

anye ayaayaak ammọ anọ yak ewoot.

3 Eyaetop mbon ñkpañña ammọ eduọọk,

mme akpo ammọ eyaetebe;

iyiib ammọ ayaaduọkkọ ayọhọ mme ikpọabod.

4 Afịd mme ntantaafiọñ ke ikpaanyọñ eyaeyeeme

enyʌñ efʌd mme hefịn nte ikpañwed;

afịd mme aniendịk udịm anyọñ eyaeduọ

nte ñyeeme mfañ fain eduọññọ,

nte nsaad mfịd fik eduọññọ ekpọñ eto fik.

5 Eduad mmi anwọñ ayʌkkọ ke mme hefịn;

se, anye asọiyọ ke ikpe abaña Edọm,

mbon a-ami nsoboke afịd-afịd.

6 Eduad Abọọñ ayọhọ ye iyiib,

efʌk anye ke akpọñ;

iyiib mme edọñ ye mme ebod,

akpọñ a-atooho ekpuud mme akukịmedọñ.

Sia Abọọñ anie uwa ke Bosra

ye ekamba uwa ke isọñ Edọm.

7 Ndin mme abaakenañ utominwañ ñko eyaeduọ ye ammọ,

mme ñyịn enañ ye ñyaaraenañ.

Isọñ ammọ adiifiọọrọ ye iyiib,

ndin abu adiidʌppọ ye akpọñ.

8 Sia Abọọñ anie usen usiene,

isua utịb, abaña ndubeghe Saiyọn.

9 Mme idịm Edọm eyaekappa itai,

abu ammọ nte ikañ sọlfọ;

isọñ amọ ayaaba nte ufiob itai!

10 Anye idiinịmeke akonayio ye uweemeayio;

nsʌñikañ amọ ayaadakka ke anyọñ ke nsi-nsi.

Anye ayaanaa ke nsobo tọọñọ ke emana tutu emana;

awo ndomokeed idiisañake do aba iboiyo.

11 Ñkịdikịd akpautatan ye abọñ ñkpo ñkịdikịd eyaeben anye enie;

ekamba ñkịdikịd ye ekọọñebʌkayob eyaebọp efọk do.

Abasi ayaanyan ubọk amọ abaña Edọm,

idʌk udomoñkpọ ndutịme

ye ikpọ udʌk mfʌhọ.

12 Mme mbọọñ amọ idiinieghe ñkpọ ndomokeed se ekoot abioubọọñ,

afịd nditọ ideen adidem eyaesoomo.

13 Ñkukịm eyaekọt efʌk mme ikpọ ufọk amọ,

akpab ye mbaraekpe eyaefʌk mme ñkpọsọñ itie amọ.

Anye ayaaba nte itieidʌñ anọ mme ewaikọd,

ado ufọkidʌñ anọ mme ñkịdikịd.

14 Mme unam akpautatan eyaesoobo ye mme haiyena,

mme ebod ikọd eyaemai enọ emọ-emọ;

do ñko ke mme unam akonayio ediina

enyʌñ ekịt ndo nte itie nduọkadudu enọ idem ammọ.

15 Ñkịdikịd ayaabọp efọk adʌñ anyʌñ adọñ ñkwa,

anye ayaaboot ammọ, anyʌñ abọọk nditọ amọ

ke idak ndukpọñ mba amọ;

do ñko ke mme uman ntrukpuum ediiboho,

ye mme akpoñka ammọ.

16 Se ke ñwed Abọọñ nyʌñ koot:

ndomokeed ke atu ami idiisoppo,

ibaaha ndomokeed se idiiduakka inie akpoñka amọ.

Sia ado inua amọ anọ ewʌhọ ami,

Sịbidịd amọ ñko ayaakoono afịd ammọ abok itie keed.

17 Anye abakka mme isọñ anọ ammọ;

ubọk amọ adeeme ammọ akeene udomo.

Ammọ eyaedat anye enie ke nsi-nsi

enyʌñ edʌñ do ke emana ye emana.