1 Bhahe, Mucha pakibha pamonga na ilongoche yuku Ichilahele ngabhalobholila bhando naha, "Nkamula mihilo jhoha jhinimpelangana deleno. 2 Lichiko lyampakujhomboka lukemba Yoludane nu kujhingii mu kilambo Bhambo Chapanga, Chapanga gwino champelangana, mijhemeka maghanga makolongwa nu ghukakilimila. 3 Panane jhake mijhandika mihilo jhoha, pumpakujhingila mu kilambo chikibholii na chambone kulema nu ukoleka ipugho Bhambo Chapanga, Chapanga jwa akahoko bhino, akalaghine nabho. 4 Pumpakubhehe kwiye jha lukemba Yoludane, mijhemeka maghanga ghanga panane jhi kitombe Ebale, ngita chininnaghalikiya deleno, nu kughakilimila kwa chokaa. 5 Namunchengela chehemo jha kupiikiya litambiko Bhambo Chapanga, Chapanga gwino, chehemo jhenio kwa maghanga ghangabhachwa kwa kilebhe chochoha cha choma. 6 Ena, chehemo jhu kupiikiya litambiko jhimpakunchenge Bhambo Chapanga, Chapanga gwino, uchengwa kwa maghanga ghangabhachwa. Panane jha chehemo jha kupiikiya litambiko jhenio mpiikiya Bhambo Chapanga, Chapanga gwino litambiko lyukomelekeya. 7 Mpiikiya litambiko lya uteeke, nu kulye papa na kuhanganila nnonge jha Bhambo Chapanga, Chapanga gwino. 8 Panane jha maghanga ghinkilime nnyandika kukuuma mihilo jhenie,"
9 Bhahe, Mucha pamonga na akapiya matambiko Akalawe ngabhalobholila bhando bhoha bhuku Ichilahele kubhehe, "Ntame nuu, unyokanikiya ne, deleno mangota mmii mabhando bhake Bhambo Chapanga, Chapanga gwino. 10 Kwa yene, mipalwa kulijhoha lilobhe lya Bhambo Chapanga, Chapanga gwino nu kukengama mihilo jhake na malaghalikilo ghannaghalikiya deleno."
11 Lichiko lyenie Mucha ghabhalobholila bhando kulonge, 12 "Andanyomolii kujhomboka lukemba Yoludane, makabila ghanga naghajhema panane jha kitombe cha Gelizimo kwajhope mota bhando, likabila lya Chimeone na lya Lawe na lya Yuda na lya Ichakale na lya Uchupo na lya Benjamine. 13 Na makabila ghanga naghejhema panane jha kitombe Ebale, kipinde chukubheka likoto, likabila lya Lubene na lya Gade na lya Achele na lya Chabulone na lya Dane na lya Nafutale. 14 Akalawe bhatangachila bhando bhoha bhuku Ichilahele kanonowa malobhe ghanga.
15 "Jhuna likoto mundo jhojhoha jwapakutendekeya inyagho yukubhacha andajhe yukuyana ni kujhinamila kinyemela, kilebhe chenie chikitendekiwe kwa mabhoko gha punde ndi chachimwa Bhambo Chapanga, Chapanga gwino."
Na bhando bhoha bhijheketela, amina!
16 "Jhuna likoto mundo jhojhoha jwanpucha tatemundo amu majhemundo."
Na bhando bhoha bhijheketela, amina!
17 "Jhuna likoto mundo jhojhoha jwatupuu ighinge ya mipaka ya nnyake."
Na bhando bhoha bhijheketela, amina!
18 Jhuna likoto mundo jhojhoha jwantenda jwangalola kuhobha ndela.
Na bhando bhoha bhijheketela, mwika!
19 "Jhuna likoto mundo jhojhoha jwanponja chapalwa apelwa nng'ene amu nkebha amu nanhwela."
Na bhando bhoha bhijheketela, mwika!
20 "Jhuna likoto munalome jwagholoka nunhwana jwa tate mundo, nhwalo, ankoliche hone tate mundo."
Na bhando bhoha bhijheketela, mwika!
21 Jhuna likoto munalome jhojhoha jwagholoka ni kinyama chochoha.
Na bhando bhoha bhijheketela, mwika!
22 Jhuna likoto munalome jhojhoha jwagholoka nu nnombomundo amu mwana jhukonkela jwa tate mundo.
Na bhando bhoha bhijheketela, Mwika!
23 Jhuna likoto munalome jhojhoha jwagholoka na nkohanomundo mwikeghe.
Na bhando bhoha bhijheketela, Mwika!
24 Jhuna likoto munalome jhojhoha jwakoma mundo kwa kiyepela.
Na bhando bhoha bhijheketela, Mwika!
25 Jhuna likoto munalome jhojhoha jwapoke chwinda kupala ankome mundo jwangalemwa.
Na bhando bhoha bhijheketela, Mwika!
26 Jhuna likoto mundo jhojhoha jwangajheketela malobhe ghanga gha mihilo jha Chapanga nu mabholo ghake.
Na bhando bhoha bhijheketela, Mwika!
/images/a/Tcg2NiV7ce24OT6kCIQGR)
/images/a/-h5KPk8ct3kLpCpYm9-g6)