1 Tsaatsɛ Mawu, moo po sanehi nɛ a kɛ fo ye nɔ ɔ tsuo a mi, ejakaa i bɔ mɔde nɛ ma ye o mlaa amɛ a nɔ, nɛ i wo ye hɛ ngɔ fɔ o nɔ kulaa. 2 Moo ka mi nɛ o hyɛ ha, nɛ o maa na ye anɔkuale ɔ. Moo hyɛ ye yi mi tomi ɔmɛ kɛ ye tsui mi hulɔ. 3 Ejakaa o mɔbɔ nami kɛ o anɔkuale ɔ ngɛ ye hɛ mi daa. 4 I kɛ nɔ sisili kɛ nya enyɔtsɛmɛ bɔɛ, ejakaa lakpatsɛmɛ kɛ osatotsɛmɛ ji mɛ. 5 I kɛ yayami peeli bɔɛ, nɛ i sume a sihi hehi hulɔ. 6 I fɔɔ ye dɛ kɛ tsɔɔ kaa i pee we tɔmi nɔ́ ko, nɛ i baa o bɔ sami la tɛ ɔ hɛ mi. 7 I laa si nami la kɛ yeɔ o nyakpɛ ni peemi ni ɔmɛ tsuo a he odase.

8 Tsaatsɛ, i suɔ o we ɔ, he nɛ o hɛ mi nyami kɛ kpɛmi hii ɔ.

9,10 Ko wo mi ngɔ piɛ yayami peeli kɛ nɔ gbeli a he. Nihi nɛ tee si kɛ woɔ nihi nɛ pee we nɔ́ ko, nɛ a heɔ nyɔ mi ni ɔ.

11 Oo Mawu i be kaa mɛ. I bɔɔ mɔde kaa ma nyɛɛ dami blɔ luluulu ɔ nɔ, nɛ ma pee nɔ́ nɛ da. Lɔ ɔ he je ɔ, moo na mi mɔbɔ nɛ o he ye yi wami.

12 Ma hɛ mi nɛ i jeɔ o yi ngɛ, nɛ i yeɔ odase paa kaa mo nɛ o ha nɛ i daa si.