שְמוּאֵל א 18

1 און עס איז געװען, װי ער האָט געענדיקט רעדן צו שָאולן, אַזױ איז די זעל פֿון יהוֹנָתָנען צוגעבונדן געװאָרן צו דער זעל פֿון דָוִדן, און יהוֹנָתָן האָט אים ליב געקריגן אַזױ װי זײַן אײגן זעל. 2 און שָאול האָט אים צוגענומען אין יענעם טאָג, און האָט אים נישט געלאָזט זיך אומקערן צו זײַן פֿאָטערס הױז. 3 און יהוֹנָתָן האָט געשלאָסן אַ ברית מיט דָוִדן, װײַל ער האָט אים ליב געהאַט װי זײַן אײגן זעל.