1 geknit iz Bel, geboign iz Nevo;

zeyere getsn zainen oif beheimes un oif lastfi;

di vos ir flegt zich umtrogn mit zei,

zainen oifgelodn, a mase oif mide beheimes.

2 zei zainen geboign, geknit in einem;

zei hobn nisht gekent rateven di mase,

un zei alein zainen in gefangenshaft avek.

3 hert mir tsu, ir hoiz fun Yaakov,

un der gantser iberblaib fun hoiz Yisroel,

ir gepestete fun muterlaib,

ir getrogene fun gebermuter:

4 afile biz elter bin ich der eigener,

un biz groe hor vel ich trogn;

ich hob gemacht, un ich vel trogn,

un ich vel oif zich nemen un vel rateven.

5 tsu vemen vilt ir mich tsuglaichn un glaichshteln,

un mich farglaichn, az mir zoln glaich zain?

6 ir vos shit gold fun baitl,

un vegt zilber oifn vogshtang;

vos dingt a shmeltser er zol derfun machn a G-t,

me zol zich knien un bukn.

7 me nemt im oifn aksl, me trogt im,

un me shtelt im avek oif zain plats,

un er shteit, er rirt zich nisht fun zain ort;

afile emetser shrait tsu im, entfert er nisht,

fun zain noit tut er nisht helfn.

8 gedenkt dos, un mintert aich oif,

nemt, ir farbrecher, tsum hartsn.

9 gedenkt dos frierdike fun eibik on:

az ich bin El, un mer iz nishto,

Elokim, un nishto main glaichn.

10 ich zog on fun onheib dem sof,

un fun fartsaitn, vos iz noch nisht geshen;

ich zog: main barot zol bashtein,

un al main bager vel ich ton.

11 ich ruf fun mizrech dem roibfoigl,

fun a vaitn land dem man fun main barot;

yo, ich hob geredt, un ich vel es brengen,

ich hob bashert, un ich vel es ton.

12 hert mir tsu, ir shtarkhartsike,

vos shpirt zich vait fun gerechtikeit:

13 iz dernentern main gerechtikeit,

zi iz nisht vait,

un main yeshue vet nisht zamen;

un ich vel gebn in Tsiyon a yeshue

far Yisroel main tsirung.