1 hert mir tsu, ir indzelen,

un farnemt, ir felker fun der vait:

Hashem hot mich fun tracht gerufn,

fun main muters laib hot er main nomen dermont.

2 un er hot gemacht main moil vi a sharfe shverd,

in shotn fun zain hant hot er mich bahaltn;

un er hot mich gemacht far a blanker fail,

in zain failbaitl hot er mich farborgen.

3 un er hot tsu mir gezogt: main knecht bistu, o Yisroel,

vos ich rim zich mit dir.

4 un ich hob gevest gezogt: umnisht hob ich mich gemit,

oif nisht un nivets hob ich main koiech farlendt;

ober main mishpot iz bai Hashem,

un main loin bai main G-t.

5 un atsund hot Hashem gezogt –

der vos hot mich gefuremt fun tracht

far a knecht tsu im –

umtsukeren tsu zich Yaakov,

un Yisroel zol aingezamlt vern tsu im;

un ich bin geert in di oign fun Hashem,

un main G-t iz main shtarkeit.

6 un er hot gezogt:

knap iz – vail du bist main knecht –

oiftsurichtn di shtamen fun Yaakov,

un di tsvaign fun Yisroel umtsukeren;

nor ich vel dich machn far a licht fun di felker.

az main hilf zol zain biz tsum ek fun der erd.

7 azoi hot Hashem gezogt,

der oisleizer fun Yisroel, un zain heiliker,

tsu dem vos iz farachtet in zain nefesh,

tsu dem farumverdiktn fun felker,

tsu dem knecht fun geveltiker:

mlochim veln zen un veln oifshtein,

srores – un veln zich bukn,

fun vegen Hashem vos iz getrai,

dem heilikn fun Yisroel vos hot dich oisderveilt.

8 azoi hot Hashem gezogt:

in tsait fun bavilikung tu ich dir entfern,

un in tog fun yeshue tu ich dich helfn;

un ich vel dich hitn,

un dich machn far a bris tsu di umes,

kedei du zolst oifrichtn dos land,

az du zolst zei machn yarshenen di viste nachlut;

9 tsu zogn tsu di gefangene: geit arois!

tsu di vos in fintsternish: antplekt aich!

bai di vegen veln zei zich fitern,

un oif ale hoiche erter vet zain zeyer fiterung.

10 zei veln nisht hungern un nisht dorshtn,

un nisht plogn vet zei hits un zun,

vorem zeyer derbaremer vet zei baleitn,

un bai kvaln vaser vet er zei firn.

11 un ich vel machn ale maine berg far a veg,

un maine shtegn veln derheicht vern.

12 ze, di veln kumen fun der vaitn,

un ze, yene fun tsofn un fun mayrev,

un di, fun land Sinim.

13 zingt, ir himlen, un frei zich, du erd,

un brecht ois, ir berg, in gezang,

vorem Hashem hot getreist zain folk,

un zaine orime tut er derbaremen.

14 un Tsiyon hot gezogt: farlozen hot mich Hashem,

un Adonoi hot fargesen on mir.

15 ken a froi fargesen ir brustkind,

nisht tsu derbaremen dem zun fun ir laib?

afile di dozike zoln fargesen,

vel ich on dir nisht fargesen.

16 ze, oif di hantflechn hob ich dich oisgekritst,

daine moiern zainen tamid far mir.

17 ailik kumen daine kinder;

daine tseshterer un daine farvister

veln arois fun dir.

18 heib oif rund arum daine oign, un ze:

zei ale zainen aingezamlt, un kumen tsu dir.

azoi vi ich leb, zogt Hashem,

az zei ale vestu vi a tsirung onton,

un vest zei onknipn azoi vi a kale;

19 vorem daine churves un daine vistenishn,

un dain land dos tseshterte –

far vor, vest atsund eng zain fun voiner,

un dervaitert veln zain daine umbrenger.

20 zogn veln noch in daine oiern

daine ongevorene kinder:

eng iz mir der ort,

tret mir op, ich zol kenen voinen.

21 un vest zogn in dain hartsn:

ver hot mir di dozike geborn?

ich bin geven on kinder un akore,

fartriben un farvogelt;

un di dozike ver hot oifgetsoign?

ze, ich bin doch geblibn alein,

di dozike vu zainen geven?

22 azoi hot gezogt Adonoi Hashem:

ze, ich vel oifheibn tsu di felker main hant,

un tsu di umes vel ich oifshteln main fon,

un zei veln brengen daine zin in buzem,

un daine techter veln oifn aksl getrogn vern.

23 un mlochim veln zain daine dertsier,

un zeyer sroretes daine nas nianie;

mitn ponem tsu der erd veln zei zich bukn tsu dir,

un dem shtoib fun daine fis veln zei lekn;

un vest visen az ich bin Hashem,

vos nisht farshemt vern di vos hofn tsu mir.

24 vert avekgenumen fun dem gibor der roib,

tsi vert der fang fun dem ziger antrunen?

25 far vor, azoi zogt Hashem:

afile der fang fun dem gibor zol avekgenumen vern,

un der roib fun dem shtarkn zol antrunen vern,

ober mit daine kriger vel ich krign,

un daine kinder vel ich helfn.

26 un ich vel machn esen daine driker zeyer fleish,

un vi troibnzaft veln zei zeyer blut shikurn;

un ale laiber veln visen az ich Hashem bin dain helfer,

un dain oisleizer goel iz der machtiker fun Yaakov.